ដូចប្រិយមិត្តជាអ្នកប្រើប្រាស់បណ្តាញសង្គម ជាច្រើនបានស្គាល់រួចហើយ ចំពោះក្មេងស្រីឈ្មោះថា ល្អហួស ដែលពុំត្រឹមតែមានដុងសិល្បៈតាំងពីកំណើតមកម្ល៉េះទេ តែកុមារីរូបនេះនៅមានរូបសម្រស់ស្រស់ស្អាតគួរឲ្យទាក់ទាញទៀតផង។
ដោយឡែក កាលពីពេលថ្មីៗនេះ «ល្អហួស» បានធ្វើឲ្យមហាជនផ្ទុះការចាប់អារម្មណ៍យ៉ាងខ្លាំងតែម្តង បន្ទាប់ពីនាងតូចបាន Cover ចម្រៀងមួយបទមានចំណើងជើងថា «រាត្រី LAMBADA» ដែលជាសំនៀមដើមរបស់តារាចម្រៀងជំនាន់ដើមគឺអ្នកស្រី សុង សេងហ៊ន។
ពិតណាស់ តាមរយៈកាយវិការក្រម៉ិចក្រម៉ើមដ៏ល្វតល្វន់ ជាមួយចម្រៀងមួយបទនេះ ដែលបកស្រាយដោយរូបនាងផ្ទាល់ បានធ្វើឲ្យមហាជនផ្ទុះការចាប់អារម្មណ៍ រហូតមានអ្នកសួរនាំថា តើនាងតូច «ល្អហួស» គឺជាកូនស្រីអ្នកណាម្នាក់ឲ្យពិតប្រាកដ នៅក្នុងចំណោមបងប្អូនតារាហ្វេសប៊ុក ដេន នីក្វាន់។
តែទោះយ៉ាងណា ដើម្បីកុំឲ្យមហាជននៅមានមន្ទិលសង្ស័យតទៀត ថ្មីៗនេះ អ្នកនាង ដេន នីក្វាន់ បានចេញមកធ្វើការអះអាងថា តាមពិតទៅ ល្អហួស គឺជាកូនស្រីបង្កើតរបស់ខ្លួន។ ដោយក្នុងនោះ អ្នកនាងបានរៀបរាប់ប្រាប់ឲ្យដឹងយ៉ាងដូច្នេះថា៖ «(កុមារីល្អហួស) ពិតជាកូនខ្ញុំមែន…តែបើគេមិនជឿទុកអីចឹងសិនទៅ! ខ្ញុំធ្លាប់មានស្វាមី…គាត់ឈ្មោះ ជូ តុងអាន តែយើងបានបែកគ្នាច្រើនឆ្នាំហើយ ហើយពីមុនហ្នឹងខ្ញុំនៅថត អីចឹងខ្ជិលឲ្យគេដឹង ហើយឥឡូវខ្ញុំឈប់ពីសិល្បៈហើយឲ្យគេដឹងតាមធម្មតាហ្មងទៅ»៕ រក្សាសិទ្ធិដោយ៖ លឹម ហុង
