បន្ទាយមានជ័យ ៖ ព័ត៌មានបឋម ព្រះអើយ ស្លាប់ ៤នាក់!! មានគ្រោះថ្នាក់ចរាចរណ៍បង្កដោយខ្លួនឯង ក្រឡាប់រថយន្តនៅចំណុច ខាងលិចភូមិខ្វាវលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ បណ្ដាលឲ្យស្លាប់មនុស្សទាំង ៤នាក់!!។ រថយន្ត masda ពណ៌សពាក់ផ្លាកលេខ កម្ពុជា MR.SELLA។
តាមប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះទាំង០៤នាក់ ១-ឈ្មោះ គឹម ហេង ភេទប្រុស អាយុ៥៥ឆ្នាំ ,២-គង់ សុវណ្ណា ភេទស្រីអាយុ៥៣ឆ្នាំ ,៣-ឈ្មោះ ហេង រតនា ភេទស្រី អាយុ៦ឆ្នាំ ,៤-ឈ្មោះគឹម ធា ភេទស្រី អាយុ៤២ឆ្នាំ ជនរងគ្រោះទាំង០៤នាក់ នៅភូមិយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ ។
ប្រភពដដែលបានបញ្ជាក់ថា នៅមុនពេលកើតហេតុ រថយន្តបានធ្វើដំណើរពីទិសខាងកើតទៅលិច ពេលមកដល់ចំណុចកើតហេតុជាចំណុចផ្លូវបំបែក បានរេចង្កូតធ្លាក់ពីលើផ្លូវ ចូលក្នុងទឹកប្រឡាយផ្ងារជើង បណ្តាលឲ្យស្លាប់អ្នកបើកបរ និងអ្នករួមដំណើរសរុបចំនួន០៤នាក់ ។
សពជនរងគ្រោះត្រូវបានកម្លាំងនគរបាលប៉ុស្តិ៍រដ្ឋបាល និងប្រជាពលរដ្ឋជួយស្រង់យកមកដាក់លើគោក ដើម្បីស្រាវជ្រាវរកសាច់ញាតិ ៕ រក្សាសិទ្ធិដោយ៖បញ្ញាស័ក្តិ
