ភ្នំពេញ ៖ ចៅក្រមស៊ើបសួរ នៃសាលាដំបូងរាជធានីភ្នំពេញ កាលពីថ្ងៃទី២៤ ខែសីហា ឆ្នាំ ២០២១នេះ បានបង្គាប់ឲ្យឃុំខ្លួន បុរសត្រូវចោទម្នាក់ ជាប់ពាក់ព័ន្ធ នឹងករណី «កែ្លងបន្លំធើ្វជាសមត្ថកិច្ចនគរបាល និងបានគំរាមកំហែង ទារប្រាក់ពី ប្រជាពលរដ្ឋលក់បន្លែនិងផ្លែឈើ នៅពេលយប់ នៅក្នុងរាជធានីភ្នំពេញ។
យោងតាមដីការបស់តុលាការបានឲ្យដឹងថា ជនត្រូវចោទរូបបនេះ មានឈ្មោះ ចិន គោ ភេទប្រុស អាយុ ៣៥ឆ្នាំ មុខរបរមិនពិតប្រាកដ មានស្រុកកំណើតនៅភូមិកំពង់ត្រាច ស្រុករមាសហែក ខេត្តស្វាយរៀង ។
ជនត្រូវចោទត្រូវបានចោទប្រកាន់ពីបទ :” គំរាមកំហែងដោយមានបញ្ជាឲ្យបំពេញលក្ខខណ្ឌអ្វីមួយ ” តាមមាត្រា ២៣២ នៃក្រមព្រហ្មទណ្ឌ។
ជនត្រូវចោទត្រូវបានឃាត់ខ្លួន កាលពីថ្ងៃកទី២១ ខែសីហា ឆ្នាំ២០២១ វេលាម៉ោង ១២ និង ៤០នាទី នៅចំណុចមុខការដ្ឋានផ្ទះល្វែង តាមបណ្តោយផ្លូវជាតិលេខ ៣ ស្ថិតក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។
ក្រោយឃាត់ខ្លួន សមត្ថកិច្ចកងរាជអាវុធហត្ថរាជធានីភ្នំពេញ ដកហូតបាន វត្ថុតាង រួម រថយន្តម៉ាកហ្វតចង្កូតស្តាំ ពណ៌ទឹកសមុទ្រ ១ គ្រឿង និងឧបកររណ៍សម្រាប់ធ្វើចរាចរណ៍ ( កោន ) ចំនួន ៦ គ្រឿងផងដែរ ។
នាពេលសួរចម្លើយនៅពេលចាប់ឃាត់ខ្លួន, ឈ្មោះ ចិន គោគោ បានសារភាពថា ខ្លួននិងបក្ខពួកម្នាក់ទៀត ពិតជាបានរួមគំនិតគ្នាធ្វើ សកម្មភាពបន្លំខ្លួនធើ្វជាសមត្ថកិច្ច និងបានគំរាមកំហែង ទារប្រាក់ពីប្រជាពលរដ្ឋ ដែលរកស៊ីដឹកបន្លែ និងផ្លែឈើពីតាមខេត្ត មកភ្នំពេញ នៅពេលយប់មែន៕ រក្សាសិទ្ធិដោយ ចន្ទា ភា
