ភ្នំពេញ ៖ អតីតតារាកំប្លែងនាង ឃ្មឹប បានជួបរឿងស៊យ ដោយថៅកែក្រុមហ៊ុនសន្តិសុខ ដែលនាងកំពុងធ្វើការនោះ មិនព្រមបើកប្រាក់ខែឲ្យនាង ក្រោយធ្វើការបានមួយរយៈ។
នាង ឃ្មឹប និងប្តីវ័យក្មេង បាននាំគ្នាមកធ្វើការ នៅក្នុងក្រុមហ៊ុនឯកជនមួយ នៅក្នុងរាជធានីភ្នំពេញ ក្រោយរួមរស់ជាមួយគ្នា រហូតបានកូនស្រីម្នាក់។
បើយោងតាមការបង្ហោះពីផេកហ្វេសប៊ុកឈ្មោះ ហ៊ុយ ឧត្តម ព័ត៌មាននោះ បានឲ្យដឹងថា អតីតដារ៉ាកំប្លែងល្បីឈ្មោះ នាងឃ្មឹប បានធ្លាក់ខ្លួនដោយសារគ្រឿងញៀន បានកែប្រែជីវិតថ្មីទៅធ្វើសន្តិសុខ នៅក្រុមហ៊ុន ( N M R អិន អឹម អ ) តែក្រុមហ៊ុនមិនបើកលុយឲ្យ។
![](https://cen.com.kh/wp-content/uploads/2021/08/photo_2021-08-25_11-03-31-575x1024.jpg)
ខ្ញុំបាទហ៊ុយឧត្តម បានទាក់ទងសូមការ បកស្រាយពីម្ចាស់ក្រុមហ៊ុន តែម្ចាស់ក្រុមហ៊ុនសន្តិសុខ មិនលើកទូរសព្ទ័សោះ ហើយរដ្ឋបាល នៅក្រុមហ៊ុនគាត់ថាគាត់មិនដឹងទេ ! ។
មានសន្តិសុខផ្សេងទៀត ក៏មិនទាន់បើកប្រាក់ខែដែរ។
លោកថា តើរឿងនេះជារឿងអយុត្តិធម៌ សម្រាប់ពួកគាត់ឬយ៉ាងណា? ពួកគាត់សុំតែលុយកម្លាំងញើសឈាមគាត់ ដើម្បីចិញ្ចឹមក្រពះតែប៉ុណ្ណោះ ..!។
នាង ឃ្មឹប និងស្វាមី បានអះអាងថា ខ្លួនបានចូលធ្វើការងារ ជាសន្តិសុខទាំងពីរនាក់ នៅក្នុងក្រុមហ៊ុនខាងលើហើយ ក្រុមហ៊ុនបានឲ្យខ្លួនទាំងពីរមកយាមនៅគោលដៅផ្សារPC ។
ស្វាមីនាង ឃ្មឹប បានបញ្ជាក់ថា ក្រោយមកអ្នកទាំងពីរ ក៏បានជួបបញ្ហាជាមួយក្រុមហ៊ុនសន្តិសុខនោះ ដោយសារមេតំបន់បានរាយការណ៍ថា ខ្លួនមិនបាននៅកន្លែង។
តែស្វាមីនាង ឃ្មឹប ថា ពេលនោះខ្លួនបានសុំប្រធានផ្សារចូលបន្ទប់ទឹក មិនមែនមិននៅកន្លែងឡើយ។
បន្ទាប់ពីជួបបញ្ហានោះ ក្រុមហ៊ុនបានដកខ្លួន ឲ្យមកយាមនៅរោងចក្រវិញ ក្នុងពេលការងារដែលបានធ្វើនៅផ្សារPC នោះក្រុមហ៊ុនមិនគិតលុយឲ្យឡើយ។
![](https://cen.com.kh/wp-content/uploads/2021/08/photo_2021-08-25_11-03-31-2-580x1024.jpg)
ហេតុនេះនាង ឃ្មឹប និងស្វាមី ក៏បានសម្រេចចិត្តឈប់ពីការងារ និងបានទាមទារឲ្យថៅកែក្រុមហ៊ុន បើកប្រាក់ដែលខ្លួនបានធ្វើ។
យ៉ាងណាថៅកែក្រុមហ៊ុនមកព្រម ដោយសំអាងថាលុយនោះ គឺត្រូវបានកាត់ទៅលើសម្លៀកបំពាក់សម្រាប់ស្លៀកធ្វើការហើយ។
ទោះជាយ៉ាងណា នាង ឃ្មឹប និងស្វាមី មិនសុខចិត្តឡើយ ដោយបានមកទាមទារដល់ទីស្នាក់ការក្រុមហ៊ុន ព្រោះពេលនេះនាង និងគ្រួសារកំពុងជួបការលំបាកខ្លាំងលើកផ្នែកជីវភាព៕ រក្សាសិទ្ធិដោយ៖សំណាង SV
![](https://cen.com.kh/wp-content/uploads/2021/08/photo_2021-08-25_11-04-05-2.jpg)
![](https://cen.com.kh/wp-content/uploads/2021/08/photo_2021-08-25_11-04-05-3.jpg)
![](https://cen.com.kh/wp-content/uploads/2021/08/photo_2021-08-25_11-04-05-4.jpg)
![](https://cen.com.kh/wp-content/uploads/2021/08/photo_2021-08-25_11-04-05.jpg)