ភ្នំពេញ៖ ពិតជាថ្លេីមធំពេកហើយ ក្រុមអ្នករត់ម៉ូតូកង់បីឥណ្ឌា១០នាក់ ប្រមូលផ្ដុំគ្នាផឹកស៊ីលេីចិញ្ចេីមផ្លូវចំកណ្តាលក្រុងភ្នំពេញមុខរ៉ារថភ្លេីង ផ្គេីនទៅនឹងបម្រាមវិធានការរបស់អាជ្ញាធរ ត្រូវបានសមត្ថកិច្ចខណ្ឌដូនពេញចាប់ខ្លួន។
នៅរសៀលម៉ោង៥ និង៣០នាទី ល្ងាចថ្ងៃទី២៥ខែសីហាឆ្នាំ២០២១នេះ កម្លាំងគណ:បញ្ជាការឯកភាព ខណ្ឌដូនពេញ បានជិះល្បាត ក៏ប្រទះឃើញ ក្រុមអ្នករត់ម៉ូតូកង់បីឥណ្ឌាចំនួន១០នាក់ ជាមួយម៉ូតូកង់បីឥណ្ឌាចំនួន១០គ្រឿង បានប្រមូលផ្ដុំគ្នាផឹកស៊ីនៅមុខរ៉ារថភ្លេីង ចំហៀងខាងជើងជាប់របងសាលាពេទ្យ ក្នុងភូមិសាស្ត្រខណ្ឌដូនពេញ ។
ដោយមានបទបញ្ជាពីលោកសុខ ពេញវុធ អភិបាលខណ្ឌដូនពេញ កម្លាំងគណ:បញ្ជាការឯកភាពខណ្ឌដូនពេញ ក៏បានចាប់ឃាត់បាន ម៉ូតូកង់បីឥណ្ឌាចំនួន១០គ្រឿង និងមនុស្សចំនួន១០នាក់ ដែលកំពុងប្រមូលផ្ដុំគ្នាផឹកស៊ីផ្គេីនទៅនឹងបម្រាមវិធានការរបស់អាជ្ញាធរ ។
ម៉ូតូកង់បីឥណ្ឌាចំនួន១០គ្រឿង និងមនុស្សចំនួន១០នាក់ដែលឃាត់បាននេះ ត្រូវបានបញ្ជូនទៅ អធិការនគរបាលខណ្ឌដូនពេញ ដេីម្បីអនុវត្តវិធានការច្បាប់ និងព្រមានឱ្យរាងចាលតែម្តង៕
រក្សាសិទ្ធិដោយ៖បញ្ញាស័ក្តិ