លោក​គីម ជុង​អ៊ុន បាន​បង្កើត​ប្រពៃណី​ថ្មី ខណៈពេល​ទៅ​ទស្សនា​ការសម្តែង​សិល្បៈ​របស់​ក្រុម​សិល្បៈ​កូរ៉េខាងត្បូង​

​ទីភ្នាក់ងារ​សារព័ត៌មាន Yonhap បាន​ដកស្រង់​ប្រភព័ត៌មាន​នៅនឹងកន្លែ​ង​ឲ្យដឹងថា មេដឹកនាំ​កូរ៉េខាងជើង គីម ជុង​អ៊ុន និង​ភរិយា Ri Sol-ju បាន​ចូលរួម​ទស្សនា​កម្មវិធី​សម្តែង​របស់​ក្រុម​សិល្បៈ ដែល​មាន​សមាជិក ១៦០​នាក់ របស់​កូរ៉េ​ខាងត្បូង នៅ​មហោស្រព​ធំ​មួយ​ភាគ​ខាងកើត​ក្រុង​ព្យុងយ៉ាង កាលពី​ថ្ងៃ​ទី ០១ ខែ​មេសា ម្សិលមិញ​នេះ​។​

មេដឹកនាំ​កូរ៉េខាងជើង​គីម ជុង​អ៊ុន (​ឆ្វេង​និង​រដ្ឋមន្ត្រី​ក្រសួង​វប្បធម៌​កូរ៉េខាងត្បូង ទះដៃ​ពេល​ទស្សនា​កម្មវិធី​សម្តែង​។​

​ក្នុង​ក្រុម​សិល្បៈ​មាន​តារា​ល្បីៗ ១១​រូប របស់​កូរ៉េ​ខាងជើង ដូចជា ៖ Cho Yong-pil, Lee Sun-hee, Choi Jin-hee និង​ក្រុម​តន្ត្រី Red Velvet ព្រមទាំង​តារាចម្រៀង Seohyun នៃ​ក្រុម​តន្ត្រី Girls’ Generation ។

​លោក​គីម ជុង​អ៊ុន រួម​នឹង​មន្ត្រីជាន់ខ្ពស់​កូរ៉េខាងជើង អង្គុយ​លើ​វេទិកា VIP ទស្សនា​ការសម្តែង​សិល្បៈ​កូរ៉េខាងត្បូង​

​នេះ​ជា​កម្មវិធី​សិល្បៈ​ដំបូង​របស់​បណ្តា​សិល្បៈករ​កូរ៉េខាងត្បូង សម្តែង​នៅ​កូរ៉េខាងជើង ក្នុងអំឡុង ១០​ឆ្នាំកន្លងមក ។ គេ​សង្ឃឹមថា បណ្តា​កម្មវិធី​សិល្បៈ​ទាំងនេះ នឹង​នាំមក​នូវ​បរិយាកាស​ស្រុះស្រួល មុន​ពេល​ការប្រព្រឹត្តទៅ​នៃ​ជំ​នួន​កំពូល​រវាង​មេដឹកនាំ​ទាំង​ពីរ​នៅ​ថ្ងៃ ២៧ មេសា ខាងមុខ​។​

​ក្រុម​សិល្បៈករ​កូរ៉េខាងជើង​នៅលើ​ឆាក​

​លោក​គីម ជុង​អ៊ុន គឺ​ជា​មេដឹកនាំ​ដំបូង​របស់​កូរ៉េខាងជើង​ដែល​ចូលរួម​ទស្សនា​កម្មវិធី​សម្តែង​របស់​សិល្បៈករ​កូរ៉េខាងត្បូង​។ ក្រៅពី​លោក​គីម ជុង​អ៊ុន គេ​ឃើញ​មាន​មន្ត្រីជាន់ខ្ពស់​ជាច្រើន​ដ៏​ទៃ​ទៀត​របស់​កូរ៉េខាងជើង ។ រដ្ឋមន្ត្រីក្រសួង​វប្បធម៌​កូរ៉េខាងត្បូង Do Jong-hwan ឲ្យដឹងថា ក្នុងពេល​សម្តែង​លោក​គីម ជុង​អ៊ុន ក៏​បាន​សាកសួរ​អំពី​ខ្លឹមសារ​នៃ​បណ្តា​បទ​ចម្រៀង ដែល​សិល្បៈករ​កូរ៉េខាងត្បូង​នឹង​សម្តែង​។ ខុស​ពី​មេដឹកនាំ​មុនៗ លោក​គីម ជុង​អ៊ុន ពុំ​ត្រឹម​ចូលរួម​ទស្សនា​កម្មវិធី​សម្តែង​ប៉ុណ្ណោះ​ទេ ថែម​ទាំង​លើកឡើងថា ៖ ប្រទេស​ទាំង​ពីរ​ចាំបាច់​គួរ​រៀបចំ​ឲ្យមាន​កម្មវិធី​ផ្លាស់ប្តូរ​វប្បធម៌​ជា​ប្រចាំ​ថែម​ទៀត​។​

​ក្រុម​តន្ត្រី Red Velvet ទៅ​សម្តែង​នៅ​កូរ៉េ​ខាងជើង​

​សប្តាហ៍​មុន​នេះ កូរ៉េ​ទាំង​ពីរ​បាន​ឯកភាព​គ្នា​ថា ក្រុម​សិល្បៈ​កូរ៉េខាងត្បូង​នឹង​មាន​ដំណើរ​ទស្សនកិច្ច​សម្តែង​រយៈពេល ៤​ថ្ងៃ​នៅ​ក្រុង​ព្យុងយ៉ាង ៕ សូ​យ​ន​