ភាគហ៊ុនហ្ក្រេនធ្វីន(GTI) ជាភាគហ៊ុនតែមួយគត់ដែលមានការកើនឡើងនៅថ្ងៃព្រហស្បតិ៍ម្សិលមិញនេះ ជាមួយនឹងអត្រាខ្ពស់ជាងគេចំនួន ២,២៦ភាគរយ ឬស្មើនឹងកំណើន ១០០រៀល ដល់ថ្លៃ ៤.៥២០រៀល។
![](https://cen.com.kh/wp-content/uploads/2021/09/១២-6-1.jpg)
តម្លៃជួញដូរសរុបរបស់ភាគហ៊ុន ហ្ក្រេនធ្វីន ក៏មានការកើនឡើងមកត្រឹមកម្រិតខ្ពស់ជាងគេ ៩ថ្ងៃ នៃថ្ងៃជួញដូរចុងក្រោយ និងក្លាយជាភាគហ៊ុនដែលត្រូវបានជួញដូរច្រើនជាងគេទី២ បន្ទាប់ពី អេស៊ីលីដា (ABC) នៅលើទីផ្សារគោល។
យ៉ាងណាមិញ ភាគហ៊ុនតំបន់សេដ្ឋកិច្ចពិសេសភ្នំពេញ(PPSP) និង ភាគហ៊ុនកំពង់ផែស្វយ័តក្រុងព្រះសីហនុ (PAS) និង ភាគហ៊ុនលើទីផ្សារកំណើន DBDE បានធ្លាក់ចុះ ៣០, ២០ និង១០រៀលរៀងគ្នា មកត្រឹម ២.០៦០រៀល និង ១៣.៦៦០រៀល និង ២.៣៩០រៀល។
![](https://cen.com.kh/wp-content/uploads/2021/09/១១-7-1.jpg)
តម្លៃជួញដូរនៅថ្ងៃព្រហស្បតិ៍ បានធ្លាក់ចុះគួរឲ្យកត់សម្គាល់ ដោយតម្លៃជួញដូរភាគហ៊ុនសរុបនៃទីផ្សារទាំងពីរ មានចំនួនត្រឹមតែ ៣១៧,០៦ លានរៀលប៉ុណ្ណោះ ដោយ១៤ភាគរយ ជាចំណែកទីផ្សារកំណើន។ សន្ទស្សន៍ផ្សារមូលបត្រកម្ពុជា បានកើនឡើងបន្តិចបន្តួចដល់ ៥០៧,៦៧ពិន្ទុ៕