ភ្នំពេញ ៖ កាលពីយប់ថ្ងៃទី៣ខែមេសាឆ្នាំ២០១៨ លោក Ruud van Nistelrooy ដែលជាអតីតខ្សែប្រយុទ្ធ របស់ក្រុម Manchester United និងក្រុម Real Madridបានធ្វើការដង្ហែពាន UEFA Champions League ឆ្នាំ២០១៨និងជួបអ្នកគាំទ្រ រាប់ពាន់នាក់នៅ ស៊ីធីហល កោះពេជ្រ រាជធានីភ្នំពេញ ដែលនាំមកជូនដោយស្រាបៀរ Heineken ។
វត្តមានរបស់កំពូកីឡាករបាល់ទាត់លោក Ruud van Nistelrooyនៅរាត្រីនោះ បានធ្វើឲ្យមានការភ្ញាក់ផ្អើរដល់អ្នកគាំទ្ររបស់ខ្លួនជាខ្លាំងដោយ លោកមានស្នាមញញឹម និងរួសរាយរាក់ទាក់យ៉ាងខ្លាំងទៅកាន់អ្នកគាំទ្ររបស់លោក ដោយអ្នកគាំទ្ររបស់លោក ដោយលោកគិតថាលោក ជាមនុស្សម្នាក់ដែលគួរស្រឡាញ់បំផុតហើយលោក ក៏បានផ្ដល់កិតិ្តយស ថតរូបអនុស្សាវរីយ៍ជាមួយអ្នកគាំទ្ររបស់លោកផងដែរ។
អមជាមួយវត្តមាន របស់លោកRuud van Nistelrooy ស្រាបៀរ Heineken ក៏បាន អញ្ជើញតារាចម្រៀងល្បីៗ ដែលប្រចាំព្រះរាជាណាចក្រកម្ពុជា មានដូចជា៖វត្តមានលោក ជីដេវីត កញ្ញាទេព បូព្រឹត្យ ប្រុសឡា និងកញ្ញាឡូរ៉ាម៉ម ដែលជាតារាចម្រៀងកូនកាត់អាមេរិក ដើម្បីចូលរួមច្រៀងកំដអារម្មណភ្ញៀវកិត្តិយសជាតិនិងអន្តរជាតិនៅក្នុងរាត្រីនោះផងដែរ។
ក្នុងឱកាសនោះដែរលោក Ruud van Nistelrooyបានមានប្រសាសន៍ថាខ្ញុំ ចង់ទៅលេងឯខេត្ត សៀមរាបខ្លាំងណាស់ ព្រោះខេត្តនេះសម្បូរទៅដោយប្រាងប្រាសាទជាច្រើន ដែលសុទ្ធសឹងតែ ជាប្រាសាទ ដែលមានកេរិ៍ឈ្មោះល្បី នៅទូទាំងសាកលលោក ជាពិសេសខ្ញុំចង់ទៅលេងប្រាសាទអង្គរវត្តខ្លាំងណាស់”។
លោកបានថ្លែងថា លោកបានចែករំលែងនូវបទពិសោធន៍មួយចំនួន ដល់កីឡាករបាល់ទាត់វ័យក្មេងរបស់កម្ពុជា ជាង២០រូប នៅផ្ទាល់លើទីលានតែម្តង ដោយក្នុងនោះ លោកក៏បានធ្វើការបង្ហាត់បង្រៀន ក្រុមកីឡាករបាល់ទាត់ ដោយចែកជាពីរក្រុម ឲ្យប្រកួតជាក់ស្តែង ក្រោយការត្រួតពិនិត្យរបស់លោក បន្ទាប់ពីលោកបានផ្តល់នូវទ្រឹស្តីមួយចំនួន និងបច្ចេកទេសមួយទាត់បាល់ និងបណ្តើរ បច្ចេកទេសជើង ល្បឿន ជាពិសេសលោកបានបញ្ជាក់ថា ក្នុងពេលប្រកួត កីឡាករខ្លួនឯងត្រូវមានភាពវ័យឆ្លាត ដើម្បីយកប្រៀបលើគូប្រកួត។
សូមរំលឹកថា កម្មវិធីដំណើរទេសចរណ៍ រយៈពេលបីថ្ងៃ ត្រូវបានរៀបចំឡើង ដោយស្រាបៀរ Heineken ហើយកម្មវិធីនេះ នឹងជំរុញផ្តល់ឲ្យអ្នកគាំទ្រ ទូទាំងពិភពលោក នូវឱកាសផ្ទាល់ ក្នុងការចូលរួម ទទួលបានភាពរំភើបរីករាយ នៃការទស្សនាការប្រកួតនេះ តាមរយៈយុទ្ធនាការ របស់ស្រាបៀរ Heineken ដែលមានឈ្មោះថា “ចែករំលែកភាពរំភើបរីករាយ ចែករំលែកពានរង្វាន់”៕ ដោយ៖បញ្ញាស័ក្តិ
