នេះជាមេរៀនមួយសម្រាប់ឪពុកម្តាយទាំងឡាយគួរប្រុងប្រយ័ត្ន ចំពោះសុវត្ថិភាពរបស់កូនៗរបស់ខ្លួន ខណៈអនុញ្ញាតឲ្យពួកគេកាន់របស់ទ្រព្យមានតម្លៃនៅកន្លែងស្ងាត់តែឯង ។ ជាក់ស្តែង វីដេអូនេះបានបង្ហាញខណៈដ៏រន្ធត់ចិត្ត ដែលចោរម្នាក់បានចូលមកឆ្មក់ឆក់ទូរស័ព្ទពៅដៃកូនក្មេងម្នាក់ ដែលកំពុងលេងនៅលើម៉ូតូមុខផ្ទះ យកទៅបាត់ស្រមោលតែម្តង ។
វីដេអូសន្តិសុខបានបង្ហាញក្មេងប្រុសតូចម្នាក់ កំពុងលេងទូរស័ព្ទនៅលើម៉ូតូ ខាងក្រៅផ្ទះរបស់វា ស្ថិតក្នុងទីក្រុង Bien Hoa នៅវេលាក្បាលព្រលប់ថ្ងៃទី៣ មេសា ។
បើប្រភពព័ត៌មានបានឲ្យដឹងថា ក្មេងប្រុសតូចនេះ ត្រូវបានឪពុកម្តាយរបស់វាឲ្យទូរស័ព្ទលេង ហើយវាក៏បានយកទៅចុចលេងនៅលើម៉ូតូមុខផ្ទះ ។
ទោះយ៉ាងណា ប៉ូលីសក៏បានចាត់វិធានការ តាមរយៈការប្រើប្រាស់ «រូបភាព» ពីវីដេអូកាមេរ៉ា ដើម្បីស្រាវជ្រាវចោររូបនោះផងដែរ ៕ ចន្ទី
