តាម Mirror បុរសម្នាក់ បានត្រូវចោទប្រកាន់ថា មានទង្វើមិនគប្បីដោយយកដៃលូកលាន់ដល់សិស្សស្រីនៅលើឡានក្រុង ត្រូវបានអ្នករួមដំណើរ និងអ្នកបើកបរឡានក្រុង ពួតដៃគ្នា បញ្ជូនត្រង់ទៅកាន់ប៉ុស្តិ៍ប៉ូលិស ។
ពុំត្រឹមតែអ្នកបើកបររថយន្តប៉ុណ្ណោះទេ អ្នកដំណើរលើឡានក្រុងដ៏កុះករ ក៏បានពួតដៃគ្នារារាំងមិនឲ្យបុរសល្មោភកាមម្នាក់នេះ ចាកចេញពីរថយន្តរួច ។ មុននោះ សិស្សស្រីម្នាក់បានស្រែកថា ៖ “អាចោរល្មោភកាម” នៅពេលដៃបុរសនោះលូករាវប៉ះខ្លួន។ ភ្ញៀវម្នាក់បានទូរស័ព្ទរាយការណ៍ឲ្យប៉ូលិស និងស្រែកប្រាប់អ្នកបើកបររថយន្ត ។ អ្នកបើកបររថយន្តក៏បត់ចង្កូតសំដៅចូលប៉ុស្តិ៍ប៉ូលិសដែលនៅជិតនោះតែម្តង។
ហេតុការណ៍នេះកើតឡើងនៅទីក្រុង យីប៊ីន ភាគនិរតី ប្រទេសចិន ក៏ថតបានទិដ្ឋភាពគ្រាដែលអ្នកដំណើរពួតដៃគ្នា ទប់ស្កាត់មិនឲ្យជនល្មើសរត់គេចចេញពីឡានបាន ៕ ចន្ទ្រា