បាត់ដំបង ៖ ជនសង័្សយជាឪពុកមាសាច់ថ្លៃ បានធ្វើសកម្មភាពរំលោភសេពសន្ថវៈ ទៅលើក្មួយស្រីសាច់ថ្លៃរបស់ខ្លួនអាយុ១២ឆ្នាំ ។ នៅថ្ងៃទី០១ ខែតុលា ឆ្នាំ២០២១ វេលាម៉ោង៩និង២០នាទី អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ សេង លុច អធិការនគរបាលស្រុកថ្មគោលបានដឹកនាំអនុវត្តធ្វើការឃាត់ខ្លួនជនសង្ស័យឈ្មោះ ត្រា ថាវ ភេទប្រុស អាយុ ៤៣ឆ្នាំ មានទីលំនៅភូមិព្រៃទទឹង ឃុំអូរតាគី ស្រុកថ្មគោល ខេត្តបាត់ដំបង បញ្ជូនមកកាន់អធិការដ្ឋាននគរបាលស្រុកថ្មគោល ដើម្បីធ្វើការសាកសួរទាក់ទងនឹងករណីរំលោភសេពសន្ថវៈលើជនរងគ្រោះជាអនីតិជនអាយុ ១២ឆ្នាំ។
នគរបាលស្រុកថ្មគោល ឲ្យដឹងថា កាលពីថ្ងៃទី២៨ ខែកញ្ញា ឆ្នាំ២០២១ វេលាម៉ោង២០និង០០នាទី នៅចំណុចមូលដ្ឋានខាងលើជនសង័្សយរូបនេះបានធ្វើសកម្មភាពរំលោភសេពសន្ថវៈ ទៅលើក្មួយស្រីសាច់ថ្លៃរបស់ខ្លួនឈ្មោះ ម រ អាយុ១២ឆ្នាំ រស់នៅមូលដ្ឋានខាងលើបានសម្រេច។ លុះដល់ថ្ងៃទី៣០ ខែ កញ្ញា ឆ្នាំ២០២១ ម្តាយរបស់ជនរងគ្រោះបានប្តឹងចូលមកសមត្ថកិច្ចនគរបាលអំពីករណីនេះ ហើយពេលបន្ទាប់សមត្ថកិច្ចបានធ្វើការឃាត់ខ្លួនរូបគាត់មកធ្វើការសាកសួរ។ នៅចំពោះមុខសមត្ថកិច្ចរូបគាត់បានឆ្លើយសារភាពថា ពិតជាបានប្រព្រឹត្តអំពើរំលោភសេពសន្ថវៈទៅលើក្មួយស្រីជាអនីតិជនកាលពីថ្ងៃទី២៨ ខែកញ្ញា ឆ្នាំ២០២១ប្រាកដមែន។
បច្ចុប្បន្ន ជនសង្ស័យត្រូវបានឃាត់ខ្លួនដើម្បីកសាងសំណុំរឿង បញ្ជូនមកការិយាល័យជំនាញអនុវត្តតាមនីតិវិធី៕ រក្សាសិទ្ធិដោយ ៖ បញ្ញាស័ក្តិ
