កម្លាំងចម្រុះ នៃស្នងការដ្ឋាននគរបាលខេត្តកែប ចាប់អប់រំក្រុមក្មេងទំនើង បង្កឲ្យមានការប៉ះពាល់ដល់សណ្តាប់ធ្នាប់ និងរបៀបរៀបរយសាធារណៈ នៅតំបន់ទេសចរណ៍ ឆ្នេរកែប

ខេត្តកែប៖ ក្រុមក្មេងទំនើង1ក្រុម មានគ្នាចំនួន៩នាក់ មកពីភូមិជាវក្តីខាងលិច ឃុំតាអូរ ស្រុកគិរីវង្ស ខេត្តតាកែវ នៅរសៀលថ្ងៃទី៥ ខែតុលា ឆ្នាំ២០២១ ត្រូវបានកម្លាំងចម្រុះ នៃស្នងការដ្ឋាននគរបាលខេត្តកែប ចាប់អប់រំ ក្រោយក្រុមខាងលើបានបង្កការរំខានដល់ភ្ញៀវទេសចរ នៅតំបន់ឆ្នេរកែប ក្រុង/ខេត្តកែប និងបង្កឲ្យប៉ះពាល់ដល់សណ្តាប់ធ្នាប់ និងរបៀបរៀបរយសាធារណៈ ដោយបើកម៉ូតូលឿនៗ ខណៈចរាចរណ៍តាមដងផ្លូវកំពុងមានសភាពចង្អៀត ដោយម៉ូតូក្រុមនេះកែច្នៃស៊ីម៉ាំងបណ្តាលឲ្យបំពងសំឡេងលាន់ឮខ្លាំងៗ ។
ស្នងការដ្ឋាននគរបាលខេត្តកែប បានស្នើសូមប្អូនៗដែលជាទំពាំងស្នងឫស្សី សូមមេត្តាធ្វើនូវអ្វីដែលមានប្រយោជន៍ដល់ក្រុមគ្រួសារ និងសង្គមជាតិ ជៀសវាងប្រព្រឹត្តនូវអំពើទាំងឡាយណា ដែលសង្គមស្អប់ខ្ពើម៕ រក្សាសិទ្ធិដោយ ៖ កូលាប