ខេត្តកោះកុង ៖ យុវជនជាកម្មករសំណង់ម្នាក់ ត្រូវបានកម្លាំងសមត្ថកិច្ចនគរបាលស្រុកកោះកុង ធ្វើការចាប់ឃាត់ខ្លួន កាលពីថ្ងៃទី៦ ខែ តុលា ឆ្នាំ ២០២១ បន្ទាប់ពីគាត់បានលួចចូលទៅក្នុងផ្ទះ របស់កុមារីរងគ្រោះម្នាក់ អាយុ១៧ ឆ្នាំ ខណៈនាងនៅផ្ទះតែម្នាក់ឯង និងបានប៉ុនប៉ងចាប់រំលោភសេពសន្ថវៈនាង ស្ថិតក្នុងភូមិជ្រោយប្រស់ ឃុំជ្រោយប្រស់ ស្រុកកោះកុង ខេត្តកោះកុង ។
មន្ត្រីសមត្ថកិច្ចស្រុកកោះកុងបានឲ្យដឹងថា ជនសង្ស័យរូបនេញ មាន ឈ្មោះ ហិង សេងហួត ភេទប្រុស អាយុ ១៧ឆ្នាំ មុខរបរកម្មករសំណង់ មានទីលំនៅ ភូមិថ្មី ឃុំជ្រោយប្រស់ ស្រុកកោះកុង ខេត្តកោះកុង។
ចំណែកឯ ជនរងគ្រោះ ភេទស្រី មានអាយុ ១៧ឆ្នាំ មុខរបរនៅផ្ទះ រស់នៅក្នុងភូមិ -ឃុំ-ស្រុក-ជាមួយនឹងជសង្ស័យ នៅក្នុងចំណុចកើតហេតុខាងលើ។
មន្ត្រីនគរបាលបាននិយាយថា ក្នុងករណីនេះ, ជនសង្ស័យត្រូវបានជាប់ចោទពីបទ ប៉ុនប៉ងរំលោភសេពសន្ថវៈ និង ប្រឈមមុខនឹងការជាប់ពន្ធនាគារ រហូតដល់៥ ឆ្នាំ ប្រសិនបើតុលាការរកឃើញពីពិរុទ្ធភាព។
បច្ចុប្បន្ននេះ, ជនសង្ស័យខាងលើ ត្រូវបានបញ្ជូនទៅកាន់ស្នងការដ្ឋាននគរបាលខេត្តកោះកុង ដើម្បីរៀបចំ កសាងសំណុំរឿងបញ្ជូន ទៅតុលាការខេត្តកោះកុង ចាត់ការតាមនីតវិធីច្បាប់៕ រក្សាសិទ្ធិដោយ ៖ ចន្ទា ភា