ប្រិយមិត្តបានស្គាល់ច្បាស់ហើយ តារាចម្រៀងស្រីសម្រស់ចាំ ទាំងរូបរាងតូចច្រឡឹង និងវង់ភ័ក្រក៏ស្រស់ផូរផង់ដូចគំនូរ គឺ សុខ ស្រីនាង បើទោះជាត្រូវបានដឹងថាមានវ័យជិត៤០ ឆ្នាំ ទៅហើយក្តី តែសម្រស់របស់នាងនៅតែក្មេងជាងវ័យ គួរឲ្យច្រណែនជាខ្លាំង។
ដោយឡែក ងាកចាប់អារម្មណ៍ពីជីវិតឯកជនវិញ តារាស្រីប្រចាំផលិតកម្មរស្មីហង្សមាសរូបនេះ គឺត្រូវបានដឹងថាធ្លាប់បានរៀបការម្តងរួចហើយនៅអំឡុងឆ្នាំ២០១០ និងបានលែងលះគ្នាវិញនៅឆ្នាំបន្ទាប់។ ហើយនៅពេលនោះផងដែរ ក៏លេចឮពាក្យចចាមអារម្មថារូបនាងមានកូនស្រីម្នាក់ជាចំណងដៃទៀតផង។ តែទោះយ៉ាងណា តារាស្រីសរូបនេះ បន្ទាប់មានឈ្មោះក្លាយជាស្រ្តីមេម៉ាយមក គឺពុំធ្លាប់លេចឮជំពាក់វាក់វិនជាមួយបុរសរូបណាម្នាក់នោះឡើយ ពោលគឺនាងរក្សាភាពឯកោរស់ក្នុងជីវិតដ៏ឯករាជ្យ និងសូម្បីតែគេថាមានកូនក៏គ្មានដែរ។
តែយ៉ាងណាមិញ កាលកន្លងទៅ សុខ ស្រីនាង បានធ្វើឲ្យមហាជន និងក៏ដូចហ្វេនៗ មានការភ្ញាក់ផ្អើលជាខ្លាំង បន្ទាប់ពីបានបង្ហោះរូបជាច្រើនសន្លឹក ដែលក្នុងនោះរូបនាងបានថតជាមួយក្មេងស្រីម្នាក់ ដែលមានមុខមាត់ស្រដៀងនិងអ្នកនាងគួរឲ្យសង្ស័យ ដែលធ្វើឲ្យហ្វេនៗជាច្រើនជជីកសួរជាហូរហែ ប៉ុន្តែ ពុំត្រូវបានអ្នកនាង សុខ ស្រីនាង ឆ្លើយតបនោះទេ។
ដោយឡែកថ្មីៗនេះទៀតហើយអ្នកនាង សុខ ស្រីនាង ក៏បានធ្វើឲ្យមហាជនកាន់តែសង្ស័យ ខណៈក្នុងថ្ងៃខួបកំណើតរបស់ខ្លួន កាលពីថ្ងៃទី១១ ខែតុលា ឆ្នាំ២០២១ ក៏បានបង្ហាញរូបថតជាមួយក្មេងស្រីដដែលប្រៀបដូចកូននិងម៉ែអុីចឹង។ តែទោះយ៉ាងណាក្មេងស្រីនោះ មិនមែនជាកូនបង្កើតរបស់នាងនោះទេ តែតាមពិត គឺជាកូនស្រីរបស់បងស្រីរបស់នាងប៉ុណ្ណោះ៕ រក្សាសិទ្ធិដោយ៖ លឹម ហុង
