ខេត្តបាត់ដំបង ៖នគរបាលវរការពារព្រំដែនគោកលេខ៨១៩ អង្គភាពសហការជាមួយកម្លាំងខេមរភូមិន្ទ ចេញល្បាតតាមបន្ទាត់ព្រំដែនកម្ពុជា-ថៃ បានប្រទះឃើញអាវុធ១២,៧ ចំនួន ១ដើម, កាណុងត១២,៧ ចំនួន ១ និងជើងទ្រអាវុធ១២,៧ ចំនួន ១, គ្រាប់១២,៧ ថ្មី ចំនួន ៥០៨គ្រាប់-អាវុធAK47 ចំនួន ៥០ដើម នៅចំណុចអូរព្រំដែនភូមិថ្មី ឃុំត្រាង ស្រុកកំរៀង។
នៅថ្ងៃទី២០ ខែតុលា ឆ្នាំ២០២១ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ម៉ង់ ស៊ី មេបញ្ជាការនគរបាលវរការពារព្រំដែនគោកលេខ៨១៩ បានដឹកនាំកម្លាំងក្នុងអង្គភាពសហការជាមួយកម្លាំងខេមរភូមិន្ទ ចេញល្បាតតាមបន្ទាត់ព្រំដែនកម្ពុជា-ថៃ បានប្រទះឃើញអាវុធមួយចំនួននៅចំណុចអូរព្រំដែនភូមិថ្មី ឃុំត្រាង ស្រុកកំរៀង ។
ក្នុងនោះរួមមាន ៖ -អាវុធ១២,៧ ចំនួន ១ដើម, កាណុងត១២,៧ ចំនួន ១ និងជើងទ្រអាវុធ១២,៧ ចំនួន ១, គ្រាប់១២,៧ ថ្មី ចំនួន ៥០៨គ្រាប់
-អាវុធAK47 ចំនួន ៥០ដើម បង់អាកាថ្មីចំនួន ៥២បង់ ។
បច្ចុប្បន្ន កម្លាំងនគរបាលជំនាញបានចុះធ្វើការត្រួតពិនិត្យ និងយកអាវុធទាំងអស់មកយកទៅរក្សាទុកនៅកងពលលេខ៥៣ រង់ចាំចំណាត់ការតាមនីតិវិធី ៕ រក្សាសិទ្ធិដោយ ៖ កូលាប
