ក្មេងប្រុសអាយុ ១៤ ឆ្នាំម្នាក់ មកពីរដ្ឋ Uttar Pradesh ប្រទេសឥណ្ឌា ត្រូវបានបញ្ជូនទៅមន្ទីរពេទ្យ បន្ទាប់ពីលេបច្រាសដុសធ្មេញ ១៦ ដង និងព្រមទាំងដែកគោលផងដែរ។
យោងតាមប្រព័ន្ធផ្សព្វផ្សាយក្នុងស្រុក ក្មេងប្រុសឈ្មោះ Harish Devi មានទម្លាប់សុីដី ដូច្នេះហើយ រូបគេក៏ត្រូវបានណែនាំដោយ “អ្នកជំនាញវេជ្ជសាស្ត្រ” ថា ការលេបជក់ អាចជួយគាត់កម្ចាត់ទម្លាប់នៃការញ៉ាំកខ្វក់។ ក្រុមគ្រួសាររបស់ក្មេងប្រុសនេះក៏ជឿថា វត្ថុទាំងនោះអាចជួយការពារខ្មោច មិនឲ្យចូលក្នុងខ្លួនក្មេងប្រុសនោះផងដែរ។
តែទោះជាយ៉ាងណា បន្ទាប់ពីលេបច្រាស់ដុសឆ្មេញក់ និងដែកគោល រួច Harish ស្រាប់តែចាប់ផ្តើមឈឺក្រពះធ្ងន់ធ្ងរតែម្តង។ ក្មេងប្រុសនេះត្រូវបានគេនាំទៅកាន់មហាវិទ្យាល័យវេជ្ជសាស្ត្រ Baba Raghav Das ហើយគ្រូពេទ្យបានធ្វើការវះកាត់សង្គ្រោះជីវិតភ្លាមៗ។
បច្ចុប្បន្ននេះ ស្ថានភាពសុខភាពរបស់ Harish មានភាពប្រសើរឡើង បន្ទាប់ពីការវះកាត់ ហើយគ្រូពេទ្យសង្ឃឹមថា គាត់នឹងជាសះស្បើយពេញលេញក្នុងពេលឆាប់ៗនេះ។
តែយ៉ាងណា គ្រូពេទ្យនៅមិនទាន់ដឹងច្បាស់ នូវអ្វីដែលធ្វើឱ្យ Harish មានទម្លាប់ស៊ីដីបែបនេះនោះទេ។ មនុស្សជាច្រើនជឿថា ការញៀនរបស់ Harish ទៅនឹងភាពកខ្វក់ អាចបណ្តាលមកពីការឈឺចាប់ atopic ហើយរូបគេញ៉ាំកខ្វក់ ឬដីឥដ្ឋ ដើម្បីបំបាត់បញ្ហាក្រពះ។
គួរបញ្ជាក់ឲ្យដឹងផងដែរថា កាលពីដើមខែនេះ ករណីស្រដៀងគ្នានេះ ក៏បានកើតឡើងជាមួយបុរសជនជាតិលីទុយអានី ដោយបុគ្គលរូបបានលេប វីស គ្រាប់ផ្លែឈើ និងកាំបិត ដើម្បីព្យាយាមបញ្ឈប់ការផឹក។ ក្នុងអំឡុងពេលវះកាត់រយៈពេល៣ម៉ោង ក្រុមវេជ្ជបណ្ឌិតពិតជាមានការភ្ញាក់ផ្អើលជាខ្លាំងបន្ទាប់រកឃើញលោហៈប្រហែល ៩០០ ក្រាមនៅក្នុងពោះបុរសនោះ៕ រក្សាសិទ្ធិដោយ៖ លឹម ហុង