ភ្នំពេញ៖ បន្ទាប់ពីមានការផ្សព្វផ្សាយនូវលិខិតមួយថា សិស្សប្រឡងសញ្ញាបត្របាក់ឌុប និងឌីប្លូម ត្រូវបានសម្តេចតេជោ ហ៊ុន សែន កំណត់ឲ្យ ជាប់ជាស្ថាពរដោយមិនកំណត់និទ្ទេសមកនោះ ត្រូវបានក្រសួងអប់រំ យុវជន និងកីឡា នៅព្រឹកថ្ងៃទី២៨ ខែតុលា ឆ្នាំ២០២១នេះ បានប្រកាសច្រានចោលនិងបដិសេធ ដោយបានអះអាងថា គឺជាលិខិតក្លែងក្លាយ ។
លោក រស់ សុវាចា អ្នកនាំពាក្យក្រសួងអប់រំ បានបញ្ជាក់ប្រាប់កាសែតក្នុងស្រុកថា លិខិតដែលផ្សព្វផ្សាយ អំពីការជាប់ជាស្ថាពរ របស់បេក្ខជននោះ គឺជាលិខិតក្លែងក្លាយ ក្រសួងអប់រំ សូមច្រានចោលលិខិតក្លែងក្លាយនោះ៕ រក្សាសិទ្ធិដោយ ៖ កូលាប
