ផ្សារមូលបត្រកម្ពុជា៖ តម្លៃជួញដូររបស់ទីផ្សារគោលមានចំនួន ៣០៤,៥៥ លានរៀលកាលពីថ្ងៃព្រហស្បតិ៍ម្សិលមិញ

សន្ទស្សន៍ផ្សារមូលបត្រកម្ពុជា (CSX) បានងើបឡើងវិញ ០,២៣ភាគរយ មកបិទនៅ ៤៩២,២៦ ពិន្ទុ
ខណៈភាគហ៊ុនច្រើនលើទីផ្សារមានការកើនឡើង។

ភាគហ៊ុនកំពង់ផែស្វយ័តក្រុងភ្នំពេញ (PPAP)មានកំណើនខ្ពស់បំផុតចំនួន ១៨០ រៀល។ ភាគហ៊ុនរដ្ឋាករទឹកស្វយ័តក្រុងភ្នំពេញ (PWSA) តំបន់សេដ្ឋកិច្ចពិសេសភ្នំពេញ (PPSP) កំពង់ផែស្វយ័តក្រុងព្រះ
សីហនុ (PAS) អេស៊ីលីដា (ABC) និង ឌីប៊ីឌី (DBDE) វិញបានកើនឡើងចន្លោះពី ១០​ទៅ៤០ រៀលក្នុងមួយហ៊ុន។

ផេសថិក (PEPC) ជាភាគហ៊ុនតែមួយគត់ដែលមានការធ្លាក់ចុះចំនួន ១០រៀល។ តម្លៃជួញដូររបស់ទីផ្សារគោលមានចំនួន ៣០៤,៥៥ លានរៀល ចំណែកទីផ្សារកំណើនវិញមានចំនួន ១៣,៦៥លានរៀល៕