Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

នគរបាល​ខេត្ត​ព្រះ​សីហ​នុ​ បង្ក្រាប​ឃាត់ខ្លួន​ជនសង្ស័យ​៣​នាក់​ ករណី​បន្លំ​ចូល​ផ្ទះ​ប្រជាពលរដ្ឋ​លួច​លុយ​

spot_img

ព្រះ​សីហ​នុ​ ៖​ ដោយ​មានការ​ដឹកនាំ​បញ្ជារ​ ពី​សំណាក់​ លោក​ឧត្តមសេនីយ៍ទោ​ ជួន​ ណា​រិ​ន្ទ​ ស្នងការ​នគរបាល​ខេត្ត​ព្រះ​សីហ​នុ​ នៅ​ថ្ងៃ​សុក្រ​ ទី​២៩​ ខែតុលា​ ឆ្នាំ​២០២១​ កម្លាំង​នគរបាល​ជំនាញ​ បាន​ឃាត់ខ្លួន​ជនសង្ស័យ​ចំនួន​៣​នាក់​ជា​បន្តបន្ទាប់​ ក្រោយ​ពី​មាន​គណនី​ហ្វេ​ស​ប៊ុ​កមួយ​ឈ្មោះ​ លី​ ឈូ​ន​ បាន​បង្ហោះ​តាម​បណ្តាញ​សង្គម​ហ្វេ​ស​ប៊ុ​ក​កាលពី​ថ្ងៃ​ទី​២៨​ ខែតុលា​ ឆ្នាំ​២០២១​ ថា​មាន​បុរស​ជនជាតិ​ខ្មែរ​ ០២​នាក់​ ជិះ​ម៉ូតូ​ ១​គ្រឿង​ ម៉ាក​ Scoopy​ ពណ៌​ខ្មៅ​ ពាក់​ផ្លាក​លេខ​ ភ្នំពេញ​ 1IY-1459​ បាន​បន្លំ​ចូល​ផ្ទះ​ប្រជាពលរដ្ឋ​ និង​លួច​ប្រាក់​អស់​មួយ​ចំនួន​ រួច​ជិះ​ម៉ូតូ​គេចខ្លួន​បាត់​ ។​

​បន្ទាប់​ពី​ទទួល​បាន​ដំណឹង​ភ្លាម​ លោក​ឧត្តមសេនីយ៍ទោ​ ជួន​ ណា​រិ​ន្ទ​ ស្នងការ​នគរបាល​ខេត្ត​ព្រះ​សីហ​នុ​ បាន​ចាត់​ឲ្យ​កម្លាំង​ជំនាញ​របស់​ការិយាល័យ​នគរបាល​ព្រហ្មទណ្ឌ​កម្រិត​ស្រាល​ នៃ​ស្នងការដ្ឋាន​នគរបាល​ខេត្ត​ បាន​ធ្វើការ​ស្រាវជ្រាវ​យ៉ាង​យកចិត្តទុកដាក់​ រហូត​ដល់​វេលា​ម៉ោង​ ០១​និង​៣០​នាទី​ រំលង​អធ្រាត្រ​ ឈាន​ចូល​ថ្ងៃ​ទី​២៩​ ខែតុលា​ ឆ្នាំ​២០២១​ នគរបាល​ជំនាញ​បាន​ធ្វើការ​ឃាត់ខ្លួន​បាន​ជនសង្ស័យ​ចំនួន​០១​នាក់​ ភេទ​ប្រុស​ ជនជាតិ​ខ្មែរ​ បន្ទាប់​មក​ក៏​ឃាត់ខ្លួន​បាន​បក្ខពួក​ជនសង្ស័យ​ ចំនួន​០២​នាក់​ទៀត​ ជា​បន្តបន្ទាប់​ ។​

​ករណី​ខាងលើ​នេះ​ ការិយាល័យ​នគរបាល​ព្រហ្មទណ្ឌ​កម្រិត​ស្រាល​កំពុង​បន្ត​នីតិវិធី​ ។​ ស្នងការដ្ឋាន​នគរបាល​ខេត្ត​ព្រះ​សីហ​នុ​ សូម​ថ្លែងអំណរគុណ​ដល់​គណនី​ហ្វេ​ស​ប៊ុ​ក​ឈ្មោះ​ លី​ ឈូ​ន​ ដែល​បាន​សហការ​ជាមួយ​នគរបាល​ជំនាញ​ក្នុង​ការ​បង្ហាញ​ភស្តុ​តាង​ ដើម្បី​នគរបាល​ជំនាញ​ធ្វើការ​ស្រាវជ្រាវ​ឃាត់ខ្លួន​បាន​ជន​ស​ង្ស័​យ៉ាង​ឆាប់រហ័ស​ យក​មក​ចាត់ការ​តាម​នីតិវិធី​ច្បាប់​ ។​

​សមត្ថកិច្ច​ក៏​សូម​អំពាវនាវ​ប្រជាពលរដ្ឋ​ក្នុង​ខេត្ត​ព្រះ​សីហ​នុ​ ក្នុង​ពេល​ជួប​បទល្មើស​ ឬ​ហេតុការណ៍​ផ្សេងៗ​ សូម​រាយការណ៍​មក​កាន់​នគរបាល​ដែល​នៅ​ជិត​លោក​អ្នក​បំផុត​ ដើម្បី​ឲ្យ​នគរបាល​ជំនាញ​ធ្វើការ​អន្តរាគមន៍​បាន​ទាន់​ពេលវេលា​ ៕រក្សាសិទ្ធិដោយ ៖ កូលាប

spot_img
×