Saturday, December 3, 2022

ស្រវឹងស្រា កូន​អកតញ្ញូ​សងគុណ​ឪពុក​បង្កើត​ដោយ​ពូថៅ​ដៃ

spot_img

​ខេត្តតាកែវ ៖ កូន​អកតញ្ញូ​ម្នាក់​ត្រូវបាន​សម្ថ​ត​កិច្ច​ប៉ូលីស​ស្រុក​តាំ​កក់​ធ្វើការ​ឃាត់ខ្លួន​បន្ទាប់ពី​ផឹកស្រា​ស្រវឹង​ទាស់សំដី​គ្នា​កាប់​ឪពុក​បង្កើត​រងរបួស​ធ្ងន់ ។​ហេតុ​ការ​នេះ​បាន​កើតឡើង​នៅ ភូមិ សំរោង ឃុំ​ត្រពាំង​ធំ​ខាងត្បូង ស្រុក​ត្រាំកក់ ខេត្តតាកែវ​កាល ថ្ងៃទី​២៧ ខែតុលា ឆ្នាំ​២០១៧ វេលា ម៉ោង​១៣ និង​៥០​នាទី ។​

​អធិការដ្ឋាន​នគរបាល​ស្រុក​ត្រាំកក់ លោក ឌុ​ក ធី​យ៉ា បានឱ្យដឹងថា​កូន​អកតញ្ញូ​រូបនេះ​មាន ឈ្មោះ ឡេង ប្រុស ភេទ ប្រុស អាយុ ៣២​ឆ្នាំ រស់នៅ​ភូមិ​ឃុំ​កើតហេតុ​ខាងលើ បានធ្វើ​សកម្មភាព​យក ពូថៅ ទៅ​កាប់ ឪពុក បង្កើត​របស់ខ្លួន​ឈ្មោះ ឡេង ជឿន​អាយុ ៥១​ឆ្នាំ រស់នៅ​ភូមិ​ឃុំ​កើតហេតុ​ខាងលើ​បណ្តាលអោយ​រងរបួស​ធ្ងន់​។​

​ប្រភពពីរ​កន្លែងកើតហេតុ​បាន​ប្រាប់​ប៉ូលីស​ថា​មុនពេល​កើតហេតុ​គេ​ឃើញ​ឪពុក​និង​កូន​អង្គុយ​ផឹកស្រា​ជាមួយគ្នា មួយសន្ទុះ​ក្រោយមក​ក៍កើត​មានទំនាស់​ពាក្យសំដី​ជាមួយគ្នា ខណៈនោះ​កូន​ក៍បាន​ទាញយក​ពូថៅ​កាប់​ទៅលើ​ឪពុក​បង្កើត​ត្រូវចំ​គល់​ស្មា​ខាងស្តាំ ចំនួន ០១​ពូថៅ​បណ្តាលអោយ​រងរបួស​ធ្ងន់​។​

​ក្រោយពេល​កើតហេតុ​ជនរងគ្រោះ​ត្រូវបាន​ក្រុមគ្រួសារ​បញ្ជូនទៅ​សង្គ្រោះ​នៅ​មន្ទីរពេទ្យបង្អែក​ខេត្តតាកែវ ចំណែក​ជនសង្ស័យ​ត្រូវបាន​សមត្ថកិច្ច​ឃាត់ខ្លួន​មក​អធិកា​រដ្ឋា​នគរបាល​ស្រុក​ត្រាំកក់ ដើម្បី​កសាង​សំណុំរឿង​ចាត់ការ​តាមផ្លូវ​ច្បាប់ ៕ ដូន​កែវ​