ភ្នំពេញ ៖ រថយន្ដ Mercedes ស៊េរីទំនើបមួយគ្រឿង ដែលពាក់ផ្លាកលេខនគរបាលក្លែងក្លាយ (ន.ប 2-1449) និងដាក់ឡូហ្គោប៉ូលីស បំពាក់សារ៉ែន
ត្រូវបាននាយឧត្ដមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ នៅថ្ងៃទី០១ ខែវិច្ឆិកា ឆ្នាំ២០២១នេះ បានបញ្ជាឲ្យសមត្ថកិច្ចស្ទូចយកទៅចាត់វិធានការតាមផ្លូវច្បាប់។
រថយន្ដ Mercedes ស៊េរីទំនើប ត្រូវបានគេឃើញចត នៅមុខអគារអូឡាំព្យា ក្នុងខណ្ឌ៧មករា នាព្រឹកថ្ងៃទី១ ខែវិច្ឆិកា ឆ្នាំ២០២១នេះ។
នាយឧត្ដមសេនីយ៍សន្ដិបណ្ឌិត នេត សាវឿន បញ្ជាក់ប្រាប់បណ្ដាញព័ត៌មានថា ក្រោយពីទទួលបានព័ត៌មាន នាយឧត្ដមសេនីយ៍បានបញ្ជាឲ្យសមត្ថកិច្ច ស្ទូចយកទៅរក្សាទុក នៅការិយាល័យចរាចរណ៍ផ្លូវគោក ដើម្បីចាប់វិធានការតាមផ្លូវច្បាប់៕រក្សាសិទ្ធិដោយ ៖ កូលាប
