ភាគហ៊ុនហ្ក្រេនធ្វីន គឺជាភាគហ៊ុនឡើងថ្លៃតែមួយគត់នៅថ្ងៃចន្ទដើមសប្តាហ៍នេះ ជាមួយ០,៤៧ ដែលស្មើនឹង ២០រៀល និងបិទនៅថ្លៃ ៤.៣០០រៀល ក្នុងមួយហ៊ុនផងដែរ។
កំពង់ផែស្វយ័តក្រុងភ្នំពេញ កំពង់ផែស្វយ័តក្រុងព្រះសីហនុ ភាគហ៊ុនអេស៊ីលីដា ភាគហ៊ុនផេសថិក និងរដ្ឋាទឹកស្វយ័តក្រុងភ្នំពេញ ពីទីផ្សារគោល បានធ្លាក់ថ្លៃចន្លោះពី ២០រៀល ទៅ ១៨០រៀលក្នុងមួយហ៊ុន។
ភាគហ៊ុនឌីប៊ីឌី នៅក្នុងទីផ្សារកំណើនក៏បានធ្លាក់ចុះ ៣០រៀល ហើយបានបិទនៅថ្លៃ ២.២១០រៀល ក្នុងមួយហ៊ុន ដែលជាថ្លៃទាបជាងគេចាប់តាំងពីពេលចុះបញ្ជីរបស់ខ្លួន។ ភាគហ៊ុនអេស៊ីលីដា បានគ្របដណ្តប់ដល់ទៅ ៩១,១៧ភាគរយ នៃតម្លៃជួញដូរសរុបរបស់ទីផ្សារគោលចំនួន ៤៥២,១៤លានរៀល ខណៈតម្លៃជួញដូររបស់ទីផ្សារកំណើនគឺ ៣៧លានរៀល។ សន្ទស្សន៍ផ្សារមូលបត្រកម្ពុជា បានធ្លាក់ចុះ០,៨៤ភាគរយ មកបិទត្រឹម ៤៨៨,១៤ពិន្ទុ៕
