Sunday, February 5, 2023

បើក​ឱ្យ​ដំណើរការ​ជា​ផ្លូវការ​រោងចក្រ​កាត់ដេរ​របស់​ជប៉ុន នៅ​តំបន់​សេដ្ឋកិច្ច​ពិសេស​តាយសេង​២ ក្រុង​បាវិត​

spot_img

​ខេត្ត​ស្វាយរៀង ៖ លោក ហ៊ូ វ​តនៈ អភិបាលរង​ខេត្ត​ស្វាយរៀង​តំណាង​លោក ម៉ែន វិបុល អភិបាលខេត្ត នៅ​ព្រឹក​ថ្ងៃទី​១២ ខែ​មេសា ឆ្នាំ​២០១៨​នេះ បាន​អញ្ជើញ​ជា​អធិបតី​ក្នុ​ពិធី​សម្ភា​ធ​ដាក់ឱ្យ​ដំណើរការ​ជា​ផ្លូវការ​ក្រុមហ៊ុន​រោងចក្រ​តា​គិ​សាខេ​ម​បូឌា ដែល​មាន​ទីតាំង​ស្ថិតក្នុង​តំបន់​សេដ្ឋកិច្ច​ពិសេស​តាយសេង​២ ក្រុង​បាវិត​ខេត្ត​ស្វាយរៀង​។​

​នៅក្នុង​ពិធី​នោះ​ក៏​មាន​ការអញ្ជើញ​ចូលរួម​ផង​ដែរ​ពី​សំណាក់​លោក ហែម ពិ​សិទ្ធ​អភិបាលរង​ខេត្ត​ស្វាយរៀង​លោក លឹម សៀង​ហេង អភិបាលរង​ក្រុង​បាវិត អស់លោក​ជា​តំណាង​ឱ្យ​ក្រុមហ៊ុន​តា​គិ​សា​(​ខេ​ម​បូឌា​) រួម​និង​មន្ត្រីរាជការ​នៅតាម​មន្ទីរ​ដែល​មាន​ការពាក់ព័ន្ធ បងប្អូន​កម្មក​រកម្ម​ការ​នី​រោងចក្រ​ជាច្រើន​រយ​នាក់​ផង ដែរ​។

​បើ​តាម​លោក​តាម​ប្រសាសន៍​របស់​លោក អ៊ូ​សា​ខឿន អនុប្រធាន​មន្ទីរ​ការងារ​ខេត្ត​ស្វាយរៀង​បានអោយដឹងថា ៖ នៅក្នុង​ខេត្ត​ស្វាយរៀង​មាន​តំបន់​សេដ្ឋកិច្ច​ពិសេស​ចំនួន​11​ក្នុងនោះ​ដំណើរការបាន 8 តំបន់​សេដ្ឋកិច្ច​ពិសេស​ហើយ​មាន​រោងចក្រ​ចំនួន​76​រោងចក្រ បាន​ស្រូបយក​កំលាំង​កម្មក​រក​ម្មការ​នី​រោងចក្រ​ប្រមាណ​ជាង​5​ម៉ឺន​នាក់​។​

​លោក ហ៊ូ វ​តនៈ អភិបាលរង​ខេត្ត​ស្វាយរៀង​បាន​ប្រសាសន៍ថា ៖ ក្នុងនាម​អាជ្ញាធរ​ខេត្ត​សូម​សំដែង​ការ​សាទរ​យ៉ាង​ជ្រាលជ្រៅ​ចំពោះ​ក្រុមហ៊ុន​តា​គិ​សា ខេ​ម​បូឌា​ដែល​បាន​ជ្រើសរើស​យក​ខេត្ត​ស្វាយរៀង​សម្រាប់​វិនិយោគ​និង​ក្រុមហ៊ុន​ជាច្រើន​ទៀត​បាន​មក​វិនិយោគទុន​រកស៊ី​ក្នុង​ទឹកដី​ខេត្ត​ស្វាយរៀង ដែល​បាន​ចូលរួមចំណែក​យ៉ាង​ធំធេង​ក្នុង​ការបង្កើត​ការងារ​អោយ​ប្រជាពលរដ្ឋ​ខេត្ត​ស្វាយរៀង​និង​បាន​ធ្វើអោយ​ប្រជាពលរដ្ឋ​ក្នុង​ខេត្ត​ស្វាយរៀង​មាន​ជីវភាព​ធូ​ធារ​ក្រុមគ្រួសារ​និង​កាត់បន្ថយ​ការ​ទៅ​រកស៊ី​ចំណាកស្រុក​ឆ្ងាយៗ​។​

​លោក​អភិបាលរង​ខេត្ត​បាន​បន្តទៀតថា ៖ យើង​មាន​តំបន់​សេដ្ឋកិច្ច រោងចក្រ​សហ​គ្រា​ដូច​សព្វថ្ងៃ​ទាំង​គឺ​ដោយសា​តែ​ប្រទេស​ជាតិ​យើង​មាន​សុខ​សន្តិភាព​ពេញលេញ​និង​មាន​ការអភិវឌ្ឍន៍​លើ​គ្រប់​វិស័យ​ក្រោម​ការដឹកនាំ​ដ៏​ឈ្លៀសវៃ​របស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ខិតខំ​ទាក់ទាញ​វិនិយោគទុន​ដើម្បី​មក​វិនិយោគ​នៅ​ប្រទេស​ជា​ជាពិសេស​នៅ​ក្រុង​បាវិត​។​

​លោក ហ៊ូ វតនៈ​បាន​ផ្តាំផ្ញើ​ដល់​បងប្អូន​កម្មក​រក​ម្មការ​នី​រោងចក្រ​ទាំងអស់់​ត្រូវ​ខិតខំ​បំពេញការងារ​អោយបាន​ល្អ​និង​ត្រូវ​សហការ​ជាមួយ​អ្នក​វិនិយោគទុន​ក្រុមហ៊ុន​ដែល​បាន​មក​វិនិយោគ​នៅ​ទឹកដី​ខេត្ត​ស្វាយរៀង​បើសិន​មានការ​សំណូមពរ​អ្វី​មួយ​ត្រូវ​ចូលរួម​ដោះស្រាយ​ដោយ​និតិ​វិធី​។​

​ក្នុងឱកាស​នោះ​ដែរ លោក ហ៊ូ វ​តនៈ បាន ស្នើសុំ​ដល់​ក្រុមហ៊ុន​ត្រូវ​អនុវត្ត​អោយបាន​ត្រឹមត្រូវ​ស្រប​ច្បាប់​លិខិត​បទដ្ឋាន​គតិយុត្តិ​ជា​ធរមាន​របស់​ព្រះរាជ​ជាណា​ចក្រ​កម្ពុជា​ព្រមទាំង​បំពេញ​បែបបទ​នីតិវិធី​តម្រូវ​នានា​តាម​ការងារ​ណែនាំ​របស់​ក្រសួង​ស្ថាប័ន​មាន​សម្ថ​កិច្ច​ជាពិសេស​សហការ​អោយបាន​ល្អ​ជាមួយ​អាជ្ញាធរ​ដែនដី ដើម្បី​រក្សា​សន្តិសុខ​សណ្តាប់ធ្នាប់​សង្គម​អោយបាន​ល្អ​ប្រសើរ​៕ វ៉ៃកូ​

×

​ថ្ងៃ ម៉ោង នាទី វិនាទី

ព្រឹត្តិការណ៍ស៊ីហ្គេម លើកទី៣២