ភ្នំពេញ ÷ បុរសម្នាក់បានបើករថយន្ត Rang rover ស៊េរីទំនើបមួយគ្រឿង ក្នុងល្បឿនយ៉ាងលឿនក្នុងស្ថានភាពមេឃកំពុងតែភ្លៀងធ្លាក់ បានរេចង្កូតទៅបុ.ករបាំងថ្មគល់ស្ពានអាកាសស្ទឹងមានជ័យ បណ្តាលឲ្យរថយន្តទើរទៅមុខលែងរួច។
ហេតុការណ៍គ្រោថ្នាក់ចរាចរណ៍នេះដែរ បានកើតឡើងកាលពីវេលាម៉ោង ១១និង០០នាទីយប់ ថ្ងៃទី៤ ខែវិច្ឆិកា ឆ្នាំ២០២១ ស្ថិតនៅតាមបណ្តោយផ្លូវ២៧១ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។
យោងតាមប្រភពព័ត៌មានពីពលរដ្ឋ នៅកន្លែងកើតហេតុ បានប្រាប់ឱ្យដឹងថា មុនកើតហេតុគេបានឃើញបុរសម្នាក់ បើករថយន្តម៉ាក range rover ស៊េរីទំនើបពណ៌សមួយគ្រឿង ពាក់ផ្លាកលេខភ្នំពេញ 2AF-6663 បើកបរតាមបណ្ដោយផ្លូវ២៧១ ទិសដៅពីត្បូងមកជើងគោលបំណង បើកឡើងលើស្ពានអាកាសស្ទឹងមានជ័យ ខណៈមកដល់ចំណុចកើតហេតុ ស្រាប់តែរេចង្កូតរថយន្តមកខាងស្តាំដៃ ជ្រុលទៅបុ.កនឹងរបាំងថ្មគល់ស្ពានអាកាសស្ទឹងមានជ័យ បណ្ដាលឲ្យរថយន្តខូចខាតមួយកំណាត់មុខយ៉ាងដំណំ ទើរទៅមុខលែងរួច សំណាងល្អមិនគ្រោះថ្នាក់ដល់មនុស្ស។
ក្រោយកើតហេតុខាងលើសមត្ថកិច្ចមូលដ្ឋាន សហការជាមួយនឹងផ្នែកជំនាញចរាចរណ៍ ចុះមកដល់រួចក៏ទំនាក់ទំនង ទៅផ្នែកជំនាញចរាចរណ៍ក្រុង ឱ្យចុះមកវាស់វែងយករថយន្តស្ទូច មកស្ទូចយករថយន្តបង្កខាងលើ ទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយនៅពេលក្រោយ៕ រក្សាសិទ្ធិដោយ ៖ សា មេត
