ហ្វេសប៊ុកមួយឈ្មោះថា Pu Aramboy កាលពីថ្ងៃទី១៥ ខែមេសា ឆ្នាំ២០១៨ កន្លងទៅថ្មីៗនេះ បានបង្ហោះរូបថត២សន្លឹក និងព្រមទាំងសរសេរសារអបអរសារទរ និងជូនពរដល់គូស្នេហ៍១គូ ដែលត្រូវបានចាស់ទុំរៀបចំផ្សំផ្គុំត្រឹមតែពិធីសែនតូចមួយប៉ុណ្ណោះ នៅក្នុងភូមិជនបទមួួយនៃប្រទេសថៃ ។
បើតាមការបញ្ជាក់ពីគណនីខាងលើនេះ នោះគ្រួសារគូស្នេហ៍ទាំងពីរនេះពុំមានជាអ្នកមានទេ ប៉ុន្តែ នារីជាកូនក្រមុំនៅវ័យក្មេង និងមានរូបសម្រស់ដ៏ស្រស់ស្អាតម្នាក់នៅក្នុងភូមិ ។ ចំណែកខាងកូនកំលោះវិញមានវ័យចំណាស់ និងមុខមាត់មិនស្អាត ដោយសារតែបបូរមាត់របស់គាត់ធ្លាក់យារគួរឲ្យខ្លាច ។ ពុំត្រឹមតែខ្វះខាតរូបសម្រស់ប៉ុណ្ណោះទេ តែគាត់ជាបុរសម្នាក់មានជីវភាពក្រីក្រ និងពុំអាចលៃលកថ្លៃទឹកដោះសម្រាប់កូនក្រមុំបានទេ ។ ហេតុនេះ ក្រុមគ្រួសារទាំងពីរ និងសាច់ញាតិ មិត្តភក្តិ បានសម្រេចចិត្តផ្សំផ្គុំពួកគេត្រឹមពិធីសែនដ៏សាមញ្ញប៉ុណ្ណោះ ។
បើទោះបីជាមានមនុស្សប្រុសជាច្រើនបានលួចច្រណែន ព្រោះតែឃើញនារីជាកូនក្រមុំពិតជាស្រស់ស្អាតខ្លាំងក៏ដោយ តែក៏មានអ្នកលេងអ៊ីនធើរណេតជាច្រើនបានចូល Comment ល្អៗជូនពរដល់អ្នកទាំងពីរផងដែរ ៕ ចន្ទី
