ប្រធានាធិបតីចិន ស៊ី ជីងពីងនឹងធ្វើដំណើរទៅកាន់ប្រទេសកូរ៉េខាងជើង បន្ទាប់ពីមេដឹកនាំកូរ៉េខាងជើង គីម ជុងអ៊ុនទើបតែធ្វើដំណើរយ៉ាងស្ងាត់ៗកាលពីពេលថ្មីៗនេះ មកប្រទេសចិន។ នេះបើតាមសេចក្តីរាយការណ៏របស់ភ្នាក់ងារសារព៌តមានកូរ៉េខាងត្បូង Yonhap។
លោក ស៊ី ជីងពីង កំពុងរៀបចំណើរទស្សនៈកិច្ចជាផ្លូវការលើកដំបូងទៅកាន់ប្រទេសកូរ៉េខាងជើងក្នុងនាមជាមេដឹកនាំចិន។
បើតាមប្រពភពីមន្ត្រីចិនបានឲ្យដឹងថា ដំណើរទស្សនៈកិច្ចទៅកូរ៉េខាងជើងនឹងកើតឡើងក្នុងពេលឆាប់ៗ បន្ទាប់ពីមានគំរោងជួបចរចារវាងប្រធានាធិបតីអាមេរិច ដូណាល់ ត្រាំ នឹងមេដឹកនាំកូរ៉េខាងជើង គីម ជុងអ៊ុន ដែលនឹងត្រូវធ្វើឡើងនៅចុងខែមិថុនាខាងមុខ។
សូមបញ្ជាក់ថា មេដឹកនាំផ្តាច់ការកូរ៉េខាងជើង គីម ជុងអ៊ុនកាលពីពេលថ្មីៗនេះ បានជួបពិភាក្សាផ្ទាល់ជាមួយនឹងប្រធានាធិបតីចិនកាលពីចុងខែមិនា ហើយក្នុងកំឡុងកិច្ចពិភាក្សានោះ លោក គីមត្រូវបានគេរាយការណ៏ថា បង្ហាញពីឆន្ទៈរបស់លោកក្នុងការបោះបង់កម្មវិធីនុយក្លេអ៊ែរចោល៕ សុភ័ក្ត្រ
