Saturday, March 15, 2025

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ទីក្រុង​មួយ​របស់​ចិន​អនុវត្ត​វិធានការ​មួយ​ថ្មី​ចំពោះ​អ្នករំលោភ​សញ្ញា​ភ្លើង​ក្រហម ៖ បាញ់​ទឹក​ដាក់ រួច​ឲ្យ​ឈរ​សំដិល​មុខ​ហ្វូង​មហាជន​

នៅ​ទីក្រុង ដាយ​ដា ប្រទេស​ចិន កំពុង​ធ្វើ​ការពិសោធន៍​ប្រព័ន្ធ​បាញ់​ទឹក​ស្វ័យប្រវត្តិ​ទៅលើ​អ្នក​ថ្មើរជើង ប្រសិន​បើ​ពួកគេ​ដើរ​ឆ្លងថ្នល់​ចំ​ពេល​សញ្ញា​ភ្លើង​ក្រហម​។​

​តាម Beijing News បំពង់​ទីប​ពណ៌​លឿង​ដែល​មាន​ភ្ជាប់ Sensor ត្រូវបាន​តម្លើង​នៅ​ចំណុច​ដើរ​ឆ្លងកាត់​ផ្លូវ សម្រាប់​អ្នក​ថ្មើរជើង នា​ទីក្រុង​ដាយ​ដា ខេត្ត​ហ៊ី​ប៉ី ។​

​ប្រព័ន្ធ​នេះ​មាន​សមត្ថភាព​សម្គាល់​ដឹង​អ្នកដើរ​ឆ្លងថ្នល់​ពេល​ភ្លើង​បៃតង​។ ផ្ទុយ​ទៅ​វិញ​អ្នក​ដែល​បំពាន​នោះ​នឹង​ត្រូវ​ទឹក​បាញ់​ចំ​ជា​ការព្រមាន​អម​ដោយ​សំឡេង​ស្រែកថា កុំ​ឆ្លងផ្លូវ​ប្រយ័ត្ន​គ្រោះថ្នាក់ ។​

​ក្រៅពី​នោះ​ប្រព័ន្ធ​នេះ​នៅ​មាន​បំពាក់​បច្ចេកវិទ្យា​កំណត់​អត្តសញ្ញាណ​អ្នក​ដែល​បំពាន ហើយ​រូបភាព​អាយុ ឈ្មោះ​របស់​ពួកគេ​នឹង​ត្រូវ​បាន​បញ្ចាំង​លើ​ផ្ទាំង​ឃោសនា​ធំៗ​តាម​ទីសាធារណៈ ។​

​គំនិត​ឆ្នៃប្រឌិត​មួយ​ទទួល​បាន​ប្រតិកម្ម​ប្លែកៗ​ខុស​ពី​គ្នា​ជា​អាទិ៍ ៖ នេះ​ជា​ការ​ខ្ជះខ្ជាយ​ទឹក អគ្គិសនី និង​មូលនិធិ​សាធារណៈ ខ្លះទៀត​ថា ចុះ​ប្រសិនបើ​មនុស្ស​ចាស់​ដែល​វង្វេងវង្វាន់​អាច​បណ្តាលឲ្យ​គាត់​ភ័យខ្លាច ឬ​ដួល​នរណា​ជា​អ្នក​សង ។ ចំណែក​អ្នក​និយម​កំប្លុកកំប្លែង​និយាយថា ៖ ម្យ៉ាង​ដែរ​យើង​អាច​ងូតទឹក​ដោយ​ពុំ​បាច់​សងលុយ ៕