ភ្នំពេញ៖ ក្រសួងវប្បធម៌ និងវិចិត្រសិល្បៈ បានបើកពិព័រណ៍សិល្បៈនៃមហោស្រពវប្បធម៌អាស៊ី និងអឺរ៉ុប២០២១ ដែលរៀបចំ នៅសារមន្ទីរជាតិ ដើម្បីចូលរួមអបអរ កិច្ចប្រជុំកំពូលអាស៊ី-អឺរ៉ុបលើកទី១៣ ដែលកម្ពុជាធ្វើជាម្ចាស់ផ្ទះ។
![](https://cen.com.kh/wp-content/uploads/2021/11/img-20211122-173057-515.jpg)
សារមន្ទីរជាតិ ចាប់ពីថ្ងៃទី២២ ខែវិច្ឆិកាឆ្នាំ២០២១ បានបើករៀបចំពិព័រណ៌មិនអចិន្ត្រៃយ៍ស្ដីពី «ពិព័រណ៌សិល្ប:មហោស្រពវប្បធម៌ អាស៊ីនិងអឺរ៉ុប២០២១» ដើម្បីចូលរួមអបអរកិច្ចប្រជុំកំពូលអាស៊ី-អឺរ៉ុបលើកទី១៣ (ASEM13) ដែលកម្ពុជាធ្វើជាម្ចាស់ផ្ទះ។
![](https://cen.com.kh/wp-content/uploads/2021/11/img-20211122-173054-741.jpg)
![](https://cen.com.kh/wp-content/uploads/2021/11/img-20211122-173059-470.jpg)
ដើម្បីអបអរសាទរកិច្ចប្រជុំកំពូលអាស៊ី-អឺរ៉ុបលើកទី១៣ ASEM13 ដែលរៀបចំឡើងនៅថ្ងៃទី២៥-២៦ ខែវិច្ឆិកា ឆ្នាំ២០២១ ក្រសួងវប្បធម៌ និងវិចិត្រសិល្បៈ សហការជាមួយសហភាពអឺរ៉ុប(EU) និងមូលនិធិអាស៊ីអឺរ៉ុប (ASEF) រៀបចំមហោស្រពវប្បធម៌អាស៊ីអឺរ៉ុប ដែលជាព្រឹត្តិការណ៍អមផ្សេងៗទៀតនៃ ASEM13 ដោយបង្ហាញពីភាពចម្រុះនៃវប្បធម៌ និងការផ្លាស់ប្តូរសិល្បៈរវាងអាស៊ី និងអឺរ៉ុប។
![](https://cen.com.kh/wp-content/uploads/2021/11/img-20211122-173052-211.jpg)
![](https://cen.com.kh/wp-content/uploads/2021/11/img-20211122-173050-675.jpg)
![](https://cen.com.kh/wp-content/uploads/2021/11/img-20211122-173048-256.jpg)
ស្នាដៃសិល្បៈដែលតាំងនៅក្នុងពិព័រណ៌នេះរួមមាន ស្នាដៃចម្លាក់ រូបថត រូបគំនូរ គ្រឿងអលង្ការ វីដេអូខ្លីៗ ដែលឆ្លុះបញ្ចាំងពីបទពិសោធន៍ នៃការធ្វើដំណើរឆ្លងទ្វីប ស្ថានភាពរស់នៅប្រចាំថ្ងៃ និងឥទ្ធិពលគំនិត របស់សិល្បករមកពីទ្វីបទាំងពីរ ជាពិសេសសាមគ្គីភាព និងចំណង មិត្តភាពលើវិស័យវប្បធម៌ នៃបណ្ដាប្រទេសក្នុងទ្វីបអាស៊ី និងអឺរ៉ុប។ ពិព័រណ៍នេះដាក់តាំងបង្ហាញជូនទស្សនាចាប់ពីថ្ងៃទី២២ ខែវិច្ឆិកា ដល់ថ្ងៃទី៣១ ខែធ្នូ ឆ្នាំ២០២១៕