ភ្នំពេញ ៖ ក្មេងទំនើងចំនួន០៨នាក់ ត្រូវបានសមត្ថកិច្ចនៃអធិការនគរបាលខណ្ឌពោធិ៍សែនជ័យឃាត់ខ្លួន ករណីកា.ប់គ្នាយកផ្លាកលេខម៉ូតូ ចំនួន ០២ គ្រឿង ។ ជនសង្ស័យត្រូវបញ្ជូនទៅកាន់តុលាការ ចាត់ការតាមផ្លូវច្បាប់។
អធិការនគរបាលខណ្ឌពោធិ៍សែនជ័យ បានឲ្យដឹងថា នៅថ្ងៃទី២៧ ខៃវិច្ឆិកា ឆ្នាំ ២០២១ កម្លាំងនគរបាលប៉ុស្តិ៍ សហការជាមួយជំនាញ ឃាត់ខ្លួនជន សង្ស័យចំនួន ០៨នាក់ ពាក់ព័ន្ធនឹងករណីក្មេងទំនើងកា.ប់គ្នា យកផ្លាកលេខម៉ូតូទៅវិញទៅមក ។
វត្ថុតាំងដកហូតរួមមាន ៖ ផ្លាកលេខម៉ូតូចំនួន ០២ គ្រឿង ។
បច្ចុប្បន្ន ជនសង្ស័យត្រូវកម្លាំងនគរបាលជំនាញ នៃអធិការដ្ឋាននគរបាល ខណ្ឌពោធិ៍សែនជ័យ កំពុងសាកសួរ ដើម្បីកសាងសំណុំរឿងបញ្ជូនទៅ កាន់តុលាការចាត់ការ តាមផ្លូវច្បាប់ ៕ រក្សាសិទ្ធិដោយ ៖ កូលាប
