តម្លៃជួញដូរសរុបរួមរបស់ទីផ្សារគោលនិងទីផ្សារកំណើនមានចំនួន ៣៨២,១៦លានរៀលកាលពីថ្ងៃម្សិលមិញ

ភាគហ៊ុនភាគច្រើនបានបិទជាមួយនឹងការធ្លាក់ចុះនៅថ្ងៃនេះ ដោយមានតែភាគហ៊ុន ហ្ក្រេនធ្វីន (GTI) និង ឌីប៊ីឌី (DBDE) ប៉ុណ្ណោះ ដែលបានឡើងថ្លៃ ៨០រៀល និង ២០រៀល ក្នុងមួយហ៊ុនរៀងគ្នា។ រាប់ពីខ្ពស់មកទាប ភាគហ៊ុន កំពង់ផែស្វយ័តក្រុងព្រះសីហនុ (PAS) កំពង់ផែស្វយ័តក្រុងភ្នំពេញ (PPAP) អេស៊ីលីដា (ABC)​ ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) និង ផេសថិក (PEPC) បានធ្លាក់ចុះ ៦០រៀល ៤០រៀល ២០រៀល ១០រៀល និង ១០រៀល ក្នុងមួយហ៊ុន។ ការធ្លាក់ចុះថ្លៃរបស់ភាគហ៊ុនទាំងនេះបានបណ្តាលឲ្យសន្ទស្សន៍ផ្សារមូលបត្រកម្ពុជា ធ្លាក់ចុះ ០,១៨ភាគរយ មកបិទត្រឹម ៤៧៩,១៤ ពិន្ទុ នាថ្ងៃព្រហស្បតិ៍នេះ ជាមួយនឹងតម្លៃជួញដូរសរុបរួមរបស់ទីផ្សារទាំងពីរចំនួន ៣៨២,១៦លានរៀល៕