តម្លៃជួញដូរសរុបរបស់ទីផ្សារគោលនិងកំណើនមានចំនួន ២៨២,៨លានរៀលកាលពីផ្សារបិទនៅថ្ងៃសុក្រសប្តាហ៍មុននេះ

សន្ទស្សន៍ផ្សារមូលបត្រកម្ពុជា កាលពីថ្ងៃសុក្រសប្តាហ៍មុននេះ បានងើបឡើងវិញបន្តិចបន្តួច ចំនួន ០,២០ភាគរយ ត្រឡប់មក ៤៨០,១២ពិន្ទុវិញ ដោយមានថ្លៃរបស់ភាគហ៊ុនចំនួនបី លើទីផ្សារគោលមានការកើនឡើង។

ភាគហ៊ុនដែលមានកំណើននាំមុខគេគឺ ភាគហ៊ុនកំពង់ផែស្វយ័តក្រុងព្រះសីហនុ (PAS) ដល់ ១៣.៥០០រៀលក្នុងមួយហ៊ុន ជាមួយកំណើនចំនួន ១៦០រៀល។ ចំណែក ផេសថិក (PEPC) និង កំពង់ផែស្វយ័តក្រុងភ្នំពេញ (PAPP) វិញបានកើនឡើងបន្តិចបន្តួចដែរចំនួន ១០និង ២០រៀល។ ឌីប៊ីឌី(DBDE) ក៏បានបង្ហាញការកើនឡើងថ្លៃបន្តិចបន្តួចដែរ ចំនួន ១០រៀលក្នុងមួយហ៊ុន។ តម្លៃជួញដូរសរុបរបស់ទីផ្សារទាំងពីរបូកបញ្ជូលគ្នាមានចំនួន ២៨២,៨លានរៀល៕