កំពង់ស្ពឺ ៖ អធិការដ្ឋាននគរបាលស្រុកសំរោងទង បានឲ្យដឹងថា សមត្ថកិច្ចនគរបាលនៃអធិការដ្ឋាននគរបាលស្រុកសំរោងទង បើកប្រតិបត្ដិការបង្រ្កាបក្រុមញៀនល្បែងស៊ីសង”អាប៉ោង បៀរ” មិនចូលផ្ទះបាន២២នាក់ , “ល្បែងតែងវិនាស បើមិនជៀសជាប់អន្ទាក់ធ្លាក់ក្នុងកណ្ដាប់ដៃសមត្ថកិច្ច”។
យោងតាមបញ្ជាលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ អធិការនគរបាលស្រុកសំរោងទង ដឹកនាំកម្លាំងចុះបង្រ្កាបទីតាំងបើកលេងល្បែងស៊ីសង “ អាប៉ោង បៀ “ មិនញញើតច្បាប់និងមិនអាណិតចិត្ដប្រពន្ធ កូន ប្ដីសី កាលពីរសៀល ថ្ងៃទី០៦ ខែធ្នូ ឆ្នាំ២០២១ វេលាម៉ោង ១៣និង៣០ នាទី នៅចំណុចផ្ទះរបស់ឈ្មោះ ទឹម ណេ ភេទស្រី អាយុ៥៤ឆ្នាំ ស្ថិតនៅភូមិពញ្ញាអោង ឃុំទំព័រមាស ស្រុកសំរោងទង ខេត្តកំពង់ស្ពឺ និងឃាត់មនុស្សចំនួន ២២ នាក់ ស្រី ៧ នាក់ ស្ថិតក្នុងរង្វង់សមត្ថកិច្ចកំពុងអនុវត្ត។
ក្នុងប្រតិបត្តិការបង្ក្រាបខាងលើសមត្ថកិច្ចនគរបាល ដកហូតចាប់យកវត្ថុតាងរួមមាន៖ – មេអាប៉ោង ចំនួន ៣ គ្រាប់ (មេរោគចង្រៃ) – ចានបា.ញ់អាប៉ោង ចំនួន ១ – គម្របផ្តិល ១ – កម្រាលអាប៉ោង ១ – ទូរស័ព្ទដៃ ២៣គ្រឿង – ម៉ូតូ ៣គ្រឿង និងប្រាក់រៀលមួយចំនួន។
ករណីខាងលើ សមត្ថកិច្ចបានបញ្ជូនមក អធិការដ្ឋាននគរបាលស្រុកសំរោងទង ធ្វើការសាកសួររកឲ្យឃើញមេក្លោង អ្នកលេង អ្នកទៅមើលគេលេង និងអ្នកផ្ដល់ទីកន្លែង ដើម្បីកសាងសំណុំរឿងចាត់ការតាមនីតិវិធី៕ រក្សាសិទ្ធិដោយ ៖ សុទ្ធ លី
