បន្ទាយមានជ័យ ៖ ខណ:ពលករខ្មែរសម្រុកវិលទៅថៃវិញ កងកម្លាំងសមត្ថកិច្ចថៃបានព័ទ្ធស្ទាក់ចាប់ក្នុងព្រៃរបោះព្រំដែន ។ ការព័ទ្ធចាប់នោះធ្វើឡើងកាលពីយប់ថ្ងៃទី២០ ខែមេសា ឆ្នាំ២០១៨ ហើយព្រឹកបន្ទាប់ទើបកម្លាំងសមត្ថកិច្ចថៃនាំយកឡានទ្រុងមកដឹកពលករចេញទៅ។
ប្រភពព័ត៌មានពីព្រំដែនបានឲ្យដឹងថា ៖ ពលករខ្មែរ ចំនួន៣២នាក់ (ប្រុស-ស្រី) ត្រូវបានកម្លាំងយោធានិងសមត្ថកិច្ចនគរបាលថៃខាងការពារព្រំដែននិងខេត្តស្រះកែវ ធ្វើការហ៊ុំព័ទ្ធព្រៃមួយកន្លែងក្នុងស្រុកតាប់ប្រាយ៉ា ខេត្តស្រះកែវ ទល់មុខភ្នំប្រាក់ ភូមិក្តឹបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ។
ទីនោះគ្រប់គ្រងដោយយោធាតំបន់អភិវឌ្ឍន៍យោធភូមិភាគ៥-ភ្នំឆ័ត្រ ហើយបានបណ្តោយឲ្យមានពលករខ្មែរលួចឆ្លងដែនខុសច្បាប់ ។ ពលករម្នាក់ៗត្រូវបង់លុយឲ្យមេខ្យល់ចំនួនពី២.០០០ទភ (២.៥០០បាតប្រាក់ថៃ)។ មកទល់ថ្ងៃទី២២មេសានេះ ពលករទាំងនោះ មិនទាន់ត្រូវបានបញ្ជូនមកប្រទេសកំណើតវិញនៅឡើយទេ។
លោកស្រី ស៊ិនណាំយ៉ុង មេភូមិប៉ោយប៉ែតនិងជាមន្ត្រីនៅមណ្ឌលទទួលពលករច្រកទ្វារព្រំដែនប៉ោយប៉ែត (ផ្សារមង្គល) នៅភូមិ-សង្កាត់-ក្រុងប៉ោយប៉ែត បានបញ្ជាក់ប្រាប់សារព័ត៌មាននៅថ្ងៃទី២២ ខែមេសានេះ ៕ ដោយ ៖ បន្ទាយ
