វីដេអូឃ្លីបមួយបានកំពុងល្បីនៅលើអ៊ីនធើរណេត ប៉ុន្តែ រហូតមកទល់ពេលនេះ វានៅតែជាចម្ងល់របស់អ្នកប្រើប្រាស់បណ្តាញសង្គមខ្មែរជាច្រើន ដែលពួកគាត់ពុំជឿថា វាជាករណីដាក់ទណ្ឌកម្មបុរសម្នាក់ ព្រោះតែគាត់ «ចូលខារ៉ាអូខេ» នោះឡើយ តើវាករណីអ្វីផ្សេងទៅ…? ។
យោងតាមគេទំព័រ colombiamegusta នោះហេតុការណ៍ខាងលើនេះ ត្រូវបានបញ្ជាក់យ៉ាងច្បាស់ថា វាជាករណីដែលបុរសម្នាក់ ត្រូវបានសហគមន៍ជនជាតិភាគតិចមួយនៅ Rio Blanco Annex, in Sativo ក្នុងប្រទេសប៉េរូ ចាប់ដាក់ទណ្ឌកម្ម បន្ទាប់ពីបុរសរូបនេះ ត្រូវបានចោទប្រកាន់ព្យាយាមរំលោភស្ត្រីម្នាក់ ។
ប្រភពបន្តថា នៅពេលបងប្អូនសហគមន៍តាមទាន់បុរសនេះ កំពុងព្យាយាមប្រព្រឹត្តអំពើរំលោភសេពសន្ថវៈទៅលើស្ត្រីម្នាក់ ពួកគេបានចាប់ខ្លួនបុរសនេះទាំងខ្លួនប្រាណអាក្រាតននល និងនាំយកមកកាន់ទីកន្លែងសាធារណៈ ដើម្បីកាត់ទោសដោយផ្ទាល់ដៃរបស់ពួកគេ មុនពេលសមត្ថកិច្ចមកដល់ ។ ប៉ុន្តែ នៅពេលនោះផងដែរ ពួកគេក៏បានអញ្ជើញប្រពន្ធ និងសាច់ញាតិរបស់បុរសនេះ មកដាក់ទណ្ឌកម្មយ៉ាងចាស់ដៃ ៕ ចន្ទី
