បណ្តាប្រមុខការទូតនៃក្រុមប្រទេសមានខឿនសេដ្ឋកិច្ចរីកចម្រើនលំដាប់ដំបូងពិភពលោក (G7) បានឯកភាពគ្នាលើទស្សនៈចំពោះបញ្ហានុយក្លេអ៊ែររបស់កូរ៉េខាងជើងក្នុងសន្និសីទប្រមុខការទូត G7 នាទីក្រុង Toronto ប្រទេសកាណាដា។
ទិដ្ឋភាពនៃសន្និសីទរដ្ឋមន្ត្រីការបរទេស និងសន្តិសុខ G7 នៅ Toronto ថ្ងៃទី ២២ ខែមេសា ។
ថ្លែងក្នុងអង្គប្រជុំសន្និសីទព័ត៌មាននៅថ្ងៃទី ២៣ ខែមេសា លេខាសារព័ត៌មានរងនៃក្រសួងការបរទេសជប៉ុន Toshihide Ando ឲ្យដឹងថា បញ្ហានុយក្លេអ៊ែរកូរ៉េខាងជើង គឺជារបៀបវារៈលំដាប់ដំបូងនៃសន្និសីទនេះ ហើយបណ្តាភាគីឯកភាពគ្នាថា នឹងបន្តបង្កើនសម្ពាធជាអតិប្បរមាចំពោះក្រុងព្យុងយ៉ាងជុំវិញបញ្ហាឲ្យរំសាយនុយក្លេអ៊ែរ។
ក្នុងសន្និសីទនោះដែរក៏បានអះអាងច្បាស់ពីការមិនទទួលយកដាច់ខាតប្រទេសកូរ៉េខាងជើងមួយដែលមានអាវុធនុយក្លេអ៊ែរ ។ ទន្ទឹមនោះក៏បានបង្ហាញនូវការព្រួយបារម្ភចំពោះការដែលមេដឹកនាំកូរ៉េខាងជើងគីម ជុងអ៊ុន គ្រាន់តែប្រកាសផ្អាកការសាកល្បងនុយក្លេអ៊ែរ កាំជ្រួចអន្តរទ្វីប ហើយរើរុះបណ្តាបរិក្ខារនៅមូលដ្ឋាននុយក្លេអ៊ែរមួយនាប៉ែកខាងជើង ដោយពុំសន្យារំសាយចោលនុយក្លេអ៊ែរឡើយ ៕ សូយន
