ភ្នំពេញ ៖ ក្រុមកម្មករធ្វើការនៅក្រុមហ៊ុនអភិវឌ្ឍន៍ TCC ប្រមាណជិត៣០នាក់ តំណាងឱ្យជាង ៥០០នាក់ បានធ្វើការប្រមូលផ្តុំទាមទារឱ្យក្រុមហ៊ុនទូទាត់ប្រាក់ថ្លៃឈ្នួលពលកម្មជូនពួកគាត់ប្រមាណ ៣លានដុល្លារ (រយៈពេលជាង ២ឆ្នាំកន្លះ)។ ការតវ៉ានេះ បានធ្វើឡើងនៅនៅកំពង់ផែស្វយ័តភ្នំពេញ (ផែថ្ម) ស្ថិតនៅផ្លូវស៊ីសុវត្ថិ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីព្រឹកថ្ងៃទី១៥ ខែធ្នូ ឆ្នាំ២០២១។
ការតវ៉ារបស់ក្រុមកម្មករធ្វើការនៅក្រុមហ៊ុនអភិវឌ្ឍន៍ TCC គឺមានការលើកបដារដោយសរសេរអក្សរខ្មែរ និងអក្សរចិនថា “អ្នកអភិវឌ្ឍន៍ TCC បានជំពាក់ប្រាក់ប្រហែល ៣លានដុល្លារអាមេរិកដល់កម្មករចំណាកស្រុកសម្រាប់គម្រោងរបស់ពួក គាត់ ហើយពួកគាត់មិនបានបង់ប្រាក់មួយកាក់ក្នុងរយៈពេល២ឆ្នាំកន្លងមកនេះ ! យកលុយដែលពិបាករបស់ខ្ញុំមកវិញ ពួកខ្ញុំចង់រស់ !” ។
បន្ទាប់ពីមានការប្រមូលផ្តុំការតវ៉ាកម្លាំងអាជ្ញាធរមានសមត្ថកិច្ចបានចុះទៅសួរនាំអំពីមូលហេតុនៃការតវ៉ា និងបានណែនាំឲ្យក្រុមកម្មករធ្វើពាក្យបណ្តឹងដាក់ទៅសមត្ថកិច្ចពាក់ព័ន្ធដើម្បីធ្វើការដោះស្រាយ។ដោយមានការពន្យល់ណែនាំពីសមត្ថកិច្ចឱ្យពួកគាត់រៀបចំឯកសារដោះស្រាយជាមួយក្រុមហ៊ុនជាមុនសិន បើគ្មានដំណោះស្រាយទេ សូមធ្វើលិខិតអន្តរាគមន៍តាមរយៈអាជ្ញាធរមូលដ្ឋាន (រដ្ឋបាលខណ្ឌ) ដើម្បីអន្តរាគមន៍ដោះស្រាយជូនពួកគាត់។
យោងតាមឯកសារបានបង្ហាញថា អ្នកផ្តល់ការម៉ៅការក្រុមហ៊ុនយុនណាន សេងម៉ៅ អ៊ីនវេសមិន (ខេមបូឌា) ឯ.ក , អ្នកទទួលការម៉ៅងការក្រុមហ៊ុន អ៊ី ធី ប៊ីលឌីង ដេគ័ររេសិន ខនស្ត្រាក់សិន ឯ.ក , អនុលោមច្បាប់កិច្ចសន្យា នៃសាធារណរដ្ឋប្រជាមានិតចិន ច្បាប់សំណង់នៃសាធារណរដ្ឋប្រជាមានិតចិន ច្បាប់និងបទបញ្ញត្តិពាក់ព័ន្ធដោយអនុលោមតាមគោលការណ៍ស្មើភាព ស្ម័គ្រចិត្តយុត្តិធម៌និងជំនឿល្អភាគីទាំងពីរ។ គូរភាគីបានសហការគ្នាកក្នុងការសាងសង់ទីក្រុងអាហារនៃមជ្ឈមណ្ឌលពាណិជ្ជកម្មថ្រាយអ៊ីម។
ជុំវិញការតវ៉ានេះ ក្រុមហ៊ុនអភិវឌ្ឍន៍ TCC មិនអាចសុំការអត្ថាធិប្បាយបានទេនៅរសៀលថ្ងៃទី១៥ ខែធ្នូ ឆ្នាំ២០២១៕ រក្សាសិទ្ធិដោយ ៖ ចេស្តារ
