កាលពីពេលថ្មីៗនេះ វីដេអូមួយដែលបង្ហាញនារីជាប្រពន្ធម្នាក់ ព្យាយាម Surprise ប្តីក្នុងថ្ងៃខួបកំណើតរបស់គាត់ បានកំពុងល្បីពេញ TikTok។ នៅក្នុងវីដេអូដែលចែករំលែកដោយគណនីឈ្មោះ @c_ehem នោះគេបានឃើញនារីជាប្រពន្ធរូបនោះ កំពុងរង់ចាំប្តីត្រឡប់មកផ្ទះនៅមាត់ទ្វារយ៉ាងអន្ទះសារ ខណៈកំពុងកាន់នំខួបកំណើត។
តែទោះយ៉ាងណា ពេលប្តីរបស់នាងដើរចូលមក គាត់ហាក់ដូចជាមិនមានការភ្ញាក់ផ្អើល ឬចាប់អារម្មណ៍នឹងនំខេកនោះទេ។ គាត់គ្រាន់តែដើរកាត់នាង និងនំ ដោយមិននិយាយស្តីសូម្បីមួយម៉ាត់ និងថែមទាំងបង្ហាញទឹកមុខរបស់គាត់ឡើងស្អុយប៉ែទៀតផង។
នៅពេលនោះផងដែរ ភ្លើងទៀនក៏បានរលត់ដោយចៃដន្យ នៅពេលគាត់បានដើរកាត់ ហើយភ្លាមៗនោះ នាងជាប្រពន្ធក៏បានអុជវាជាថ្មីម្តងទៀត និងឈរញញឹមយ៉ាងអត់ធ្មត់ បើទោះជាប្តីរូបនេះ នៅតែមិនអើពើយកចិត្តទុកដាក់ចំពោះអ្វីដែលនាងបានខំធ្វើជូនគាត់យ៉ាងណា។
វីដេអូនេះមានអ្នកចូលមើលជាង ១៨ លានដង, ១.៣ លាន Likes, 42.7k share និង 75.4k comment ដែលក្នុងនោះ អ្នកនិយមលេងអ៊ីនធឺណេតភាគច្រើន បានសម្តែងអារម្មណ៍សោកសៅ ចំពោះនារីជាប្រពន្ធរូបនេះជាខ្លាំង។
អ្នកលេងអ៊ីនធឺណិតមួយចំនួនបាននិយាយថា ពួកគេពិតជាខកចិត្តជំនួសនាងយ៉ាងខ្លាំង និងក៏កោតសរសើរផងដែរ ដែលនាងមានការអត់ធ្មត់ ដោយនៅតែបន្តញញឹមយ៉ាងពព្រាយ បើទោះជាប្តីរបស់នាងមិនអើពើនឹងទង្វើដ៏ល្អរបស់នាងក៏ដោយចុះ៕ រក្សាសិទ្ធិដោយ៖ លឹម ហុង
@c_ehem sakit tak berdarah
♬ suara asli – Bayu Barera