ទីភ្នាក់ងារ Xinhua បានរាយការណ៍ថា មនុស្ស ៤ នាក់បានស្លាប់ និង ៨ នាក់ផ្សេងទៀត បានរងរបួស នៅពេលដែលផ្នែកនៃផ្លូវឡើងស្ពានអាកាសមួយកន្លែង បានបាក់ស្រុត ស្ថិតនៅក្នុងទីក្រុង Ezhou ក្នុងខេត្ត Hubei ភាគកណ្តាលរបស់ប្រទេសចិន កាលពីថ្ងៃទី១៨ ខែធ្នូ ឆ្នាំ២០២១។
សេចក្តីថ្លែងការណ៍របស់ប៉ូលិសក្នុងតំបន់ បានឲ្យដឹងថា ស្ពាននេះបានបាក់ស្រុតទៅលើផ្លូវហាយវេ បណ្តាលឲ្យរថយន្តដឹកទំនិញចំនួន ៣ គ្រឿងធ្លាក់ ខណៈរថយន្តមួយគ្រឿងទៀត បើកឆ្លងកាត់ ក៏ត្រូវសង្កត់ជាប់នៅខាងក្រោម។
ទោះជាយ៉ាងណា ការស៊ើបអង្កេតលើមូលហេតុនៃការបាក់ស្ពាននេះ ក៏កំពុងតែបន្តដំណើរការផងដែរ៕ រក្សាសិទ្ធិដោយ៖ លឹម ហុង
