ថ្លៃភាគហ៊ុនមានការប្រែប្រួលបន្តិចបន្តួចនៅថ្ងៃអង្គារម្សិលមិញនេះ លើកលែងតែភាគហ៊ុន តំបន់សេដ្ឋកិច្ចពិសេសភ្នំពេញ មួយគត់ដែលបានកើនឡើង ៩០រៀល មកបិទនៅថ្លៃ ២.០៩០ រៀលក្នុងមួយហ៊ុន។
![](https://cen.com.kh/wp-content/uploads/2021/12/១១-9.jpg)
ភាគហ៊ុនបីបានធ្លាក់ចុះចន្លោះពី ២០ទៅ៤០រៀលក្នុងមួយហ៊ុន ដែលភាគហ៊ុនទាំងនោះគឺ កំពង់ផែស្វយ័តក្រុងភ្នំពេញ អេស៊ីលិដា និងផេសថិក។
![](https://cen.com.kh/wp-content/uploads/2021/12/photo_2021-12-21_22-32-35.jpg)
ទន្ទឹមនេះ រដ្ឋាករទឹកស្វយ័តក្រុងភ្នំពេញ ហ្ក្រេនធ្វីន និងកំពង់ផែស្វយ័តក្រុងព្រះសីហនុ និង ឌីប៊ីឌី បានរក្សាថ្លៃដដែល។ តម្លៃជួញដូរសរុបរបស់ទីផ្សារគោលមានចំនួន ៣០៨,១៥ លានរៀល ហើយទីផ្សារកំណើនវិញមានចំនួន ១២,៥៧លានរៀល។ សន្ទស្សន៍ផ្សារមូលបត្របានបិទត្រឹម ៤៦១,០៦ ពិន្ទុ ដោយមានការធ្លាក់ចុះបន្តិចបន្តួចប្រមាណ ០,០៨ភាគរយ៕