ភ្នំពេញ ៖ ជនសង្ស័យម្នាក់ ត្រូវបានកម្លាំងនគរបាលប៉ុស្តិ៍ស្ទឹងមានជ័យទី៣ ចាប់ឃាត់ខ្លួនបានភ្លាមៗ ខណ:ហ៊ានដើរមករកលួចម៉ូតូមួយគ្រឿង នៅមុខប៉ុស្តិ៍នគរបាលស្ទឹងមានជ័យទី៣ ។
សមត្ថកិច្ចបានឲ្យដឹងថា ជនសង្ស័យខាងលើនេះ ត្រូវបានកម្លាំងសមត្ថកិច្ចឃាត់ខ្លួនបាន កាលពីវេលាម៉ោង ៥និង០០នាទីទៀបភ្លឺ ថ្ងៃទី២៧ ខែធ្នូ ឆ្នាំ២០២១ ស្ថិតនៅមុខប៉ុស្តិ៍នគរបាលស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
លោកវរសេនីយ៍ត្រី ឯម ភារី នាយប៉ុស្តិ៍នគរបាលស្ទឹងមានជ័យទី៣ បានប្រាប់ឲ្យដឹងថា ជនសង្ស័យដែលសមត្ថកិច្ចឃាត់ខ្លួនបាននេះ មានឈ្មោះ ហូម បូរ៉ា ភេទប្រុស អាយុ២៦ឆ្នាំ មុខរបរមិនពិតប្រាកដ
សម្ភារដកហូតបានពីជនសង្ស័យ រួមមាន : ដង្កាប់ចំនួន២ ទួណឺវិសចំនួន១ សោរសម្រាប់ដោះគ្រឿងម៉ូតូចំនួនចំនួន៤ ដែលជាវត្ថុតាង សម្រាប់ធ្វើសកម្មភាព លួចកា.ច់.កនិងដោះសោរម៉ូតូ ដែលម្ចាស់ចតទុកចោល។
ក្រោយពេលឃាត់ខ្លួនជនសង្ស័យខាងលើនេះ សមត្ថកិច្ចបាននាំខ្លួនជនសង្ស័យ ធ្វើការសាកសួរបន្ត តាមចម្លើយសារភាព របស់ជនសង្ស័យខាងលើនេះ បានប្រាប់ថារូបគេ ពិតជាបានប៉ុន.ប៉ងធ្វើសកម្មភាព លួចម៉ូតូហុដាសេ១២៥មួយគ្រឿង ពិតប្រាកដមែន។
បច្ចុប្បន្នជនសង្ស័យខាងលើ រួមនិងវត្ថុតាង ត្រូវបានបញ្ជូនទៅកាន់ អធិការដ្ឋាននគរបាលខណ្ឌមានជ័យ ចាត់ការបន្តតាមនីតិវិធី៕ រក្សាសិទ្ធិដោយ ៖ សួង សាម
