សន្ទស្សន៍ផ្សារមូលបត្រកម្ពុជា បានកើនឡើង ០,៣២ភាគរយ មកបិទនៅចំនួន ៤៦៣,៨៤ ពិន្ទុកាលពីថ្ងៃអង្គារ

សន្ទស្សន៍ផ្សារមូលបត្រកម្ពុជា​ បានកើនឡើង ០,៣២ភាគរយ មកបិទនៅចំនួន ៤៦៣,៨៤ពិន្ទុកាលពីថ្ងៃអង្គារ ដែលនាំមកពីកំណើនថ្លៃភាគហ៊ុនចំនួន៣ នៅលើទីផ្សារគោលចំនួន ៤០ រៀលក្នុងមួយហ៊ុនដូចៗគ្នា។

ភាគហ៊ុនទាំង៣នោះគឺ រដ្ឋាករទឹកស្វយ័តក្រុងភ្នំពេញ (PWSA) ហ្ក្រេនធ្វីន (GTI) និង​អេស៊ីលីដា (ABC) បានបិទនៅថ្លៃ ៧.០៤០រៀល ៤.២០០រៀល និង ១០.២០០រៀលរៀងគ្នា។ តម្លៃជួញដូរសរុបរបស់ទីផ្សារគោលមានចំនួន ៤៨១.២១ លានរៀល។

ភាគហ៊ុនឌីប៊ីឌី (DBDE) នៅលើទីផ្សារកំណើន ក៏បានកើនឡើង ១០រៀលក្នុងមួយហ៊ុនផងដែរនៅថ្ងៃអង្គារនេះ ជាមួយនឹងតម្លៃជួញដូរចំនួន ៥.៦៤លានរៀល៕