តម្លៃជួញដូរសរុបរបស់ទីផ្សារគោលមានចំនួន ៤៧៧,៦៨លានរៀលកាលពីថ្ងៃពុធ

សន្ទស្សន៍ផ្សារមូលបត្រកម្ពុជា បានកើនឡើង ០,៨០ភាគរយមកបិទនៅចំនួន ៤៦៧,៥៧ ពិន្ទុនៅថ្ងៃនេះ។

ភាគហ៊ុនចំនួន ៥ មានកំណើន ដែលនាំមុខ ដោយ ភាគហ៊ុនអេស៊ីលីដា (ABC) ភាគហ៊ុន កំពង់ផែស្វយ័តក្រុងភ្នំពេញ (PPAP) ផេសថិក (PEPC) រដ្ឋាករទឹកស្វយ័តក្រុងភ្នំពេញ (PWSA) និង តំបន់សេដ្ឋកិច្ចពិសេសភ្នំពេញ(PPSP) ជាមួយនិង​កំណើន ១២០,​៤០, ៤០, ២០ និង ១០រៀលរៀងគ្នា។

ភាគហ៊ុនហ្ក្រេនធ្វីន (GTI) នៃផ្សារគោល និងភាគហ៊ុនឌីប៊ីឌី (DBDE) នៃផ្សារកំណើន រក្សាតម្លៃថេរ ខណៈភាគហ៊ុន កំពង់ផែស្វយ័តក្រុងព្រះសីហនុ (PAS) មានការថយចុះចំនួន២០ រៀល។

តម្លៃជួញដូរសរុបរបស់ទីផ្សារគោលមានចំនួន ៤៧៧,៦៨លានរៀល ឬឯតម្លៃជួញដូរសរុបរបស់ទីផ្សារកំណើនមានចំនួន ១៣,៦២លានរៀល ដែលតម្លៃជួញដូរសរុបរបស់ទីផ្សារទាំងពីរមានចំនួន ៤៩១,៣០លានរៀល៕