ធនាគារអេស៊ីលីដា ភីអិលស៊ី ដែលជាធនាការពាណិជ្ជទីមួយ ក្នុងប្រទេសកម្ពុជា ដែលបានបោះផ្សាយមូលបត្រកម្មសិទ្ធិ ជាសាធារណៈនៅផ្សារមូលបត្រកម្ពុជា បានសម្រេចបែងចែកភាគលាភដែលនៅសល់សម្រាប់ប្រាក់ចំណេញឆ្នាំហិរញ្ញវត្ថុ២០២០ ចំនួន ៤០.៣៦៧.៣២៩ ដុល្លារអាម៉េរិក ជូនភាគហ៊ុនិក ដែលពុំទាន់បានបែងចែកភាគលាភជូនសម្រាប់ឆ្នាំហិរញ្ញវត្ថុ២០២០ តែប៉ុណ្ណោះ។
![](https://cen.com.kh/wp-content/uploads/2021/12/photo_2021-12-30_06-03-40-792x1024.jpg)
តាមសេចក្តីប្រកាសរបស់ផ្សារមូលបត្រកម្ពុជា ដែលបានចេញផ្សាយកាលពីថ្ងៃពុធម្សិលមិញនេះ។ ភាគលាភរបស់ធនាគារអេស៊ីលីដា ត្រូវបែងចែកជាសាច់ប្រាក់ ក្នុងរយៈពេលភាគលាភ ប្រចាំឆ្នាំ។ ក្នុងនោះភាគលាភក្នុងមួយឯកតាមូលបត្រកម្មសិទ្ធិ មានចំនួន ៣៩៩.២៦៧រៀល យោងតាមអត្រាប្តូរប្រាក់ផ្លូវការរវាងរូបិយប័ណ្ណដុល្លារអាមេរិក ជាមួយប្រាក់រៀល របស់ធនាគារជាតិ នៃ កម្ពុជា នៅថ្ងៃទី២៨ ខែឧសភា ឆ្នាំ២០២១ (៤.០៧០x០,០៩៨១)។
![](https://cen.com.kh/wp-content/uploads/2021/12/photo_2021-12-30_06-03-40-2-794x1024.jpg)
គួរបញ្ជាក់ថា ភាគហ៊ុនិកដែលមានសិទ្ធិទទួលបានភាគលាភដូចការកំណត់ខាងលើ គឺជាភាគហ៊ុនិកដែឡមានឈ្មោះនៅក្នុងបញ្ជីឈ្មោះភាគហ៊ុនិកនៅថ្ងៃទី៣ ខែឧសភា ឆ្នាំ២០២១។ ហើយការទូទាត់ភាគលាភនឹងចាប់ផ្តើមពី ថ្ងៃទី៣០ ខែធ្នូ ឆ្នាំ២០២១ ដល់ថ្ងៃទី៣១ ខែធ្នូឆ្នាំ២០២១៕