កាលពីថ្ងៃព្រហស្បតិ៍ម្សិលមិញនេះ ភាគហ៊ុន តំបន់សេដ្ឋកិច្ចពិសេសភ្នំពេញ (PPSP) មានការជួញដូរតាមរយៈវិធីសាស្រ្តចរចាមួយដែលមានតម្លៃ ៦៨,៣៨ប៊ីលានរៀល ដែលបានគ្រប់ដណ្តប់ដល់ ៩៩,៨៩ភាគរយ នៃតម្លៃជួញដូរទាំងអស់របស់ភាគហ៊ុន តំបន់សេដ្ឋកិច្ចពិសេសភ្នំពេញ។
![](https://cen.com.kh/wp-content/uploads/2021/12/១-12.jpg)
លើសពីនេះ ភាគហ៊ុនទាំងឡាយនៅលើសន្ទស្សន៍ផ្សារមូលបត្រកម្ព្ជាមានការកើនឡើងស្ទើរទាំងអស់ លើកលែងតែ ភាគហ៊ុនកំពង់ផែស្វយ័តក្រុងភ្នំពេញ (PPAP) មួយដែលបានរក្សាថ្លៃថេរត្រឹម ១៤.៩០០ រៀលក្នុងមួយហ៊ុនដដែល។ ភាគហ៊ុនអេស៊ីលីដា (ABC) និងរដ្ឋាករទឹកស្វយ័តក្រុងភ្នំពេញ (PWSA) វិញបានកើនឡើងខ្ពស់ជាងគេនៅថ្ងៃនេះចំនួន ៣៨០រៀល និង ១៤០រៀលរៀងគ្នា មកបិទត្រឹម ១០.៧២០រៀល និង ៧.២០០រៀល។
![](https://cen.com.kh/wp-content/uploads/2021/12/២-12.jpg)
ភាគហ៊ុននៅសល់ទាំងឡាយរបស់ទីផ្សារទាំងពីរដែលរួមមាន ហ្រ្កេនធ្វីន(GTI) តំបន់សេដ្ឋកិច្ចពិសេសភ្នំពេញ (PPSP) កំពង់ផែស្វយ័តក្រុងព្រះសីហនុ (PAS) និងផេសថិក (PEPC) និង ឌីប៊ីឌី (DBDE) មានកំណើនចន្លោះពី ១០ទៅ៣០រៀលក្នុងមួយហ៊ុន។ ជាលទ្ធផល សន្ទស្សន៍ផ្សារមូលបត្រកម្ពុជា បានកើនឡើង ២,៥៦ភាគរយ មកដល់ ៤៧៩,៥៤ ពិន្ទុ។ តម្លៃជួញដូរសរុបរបស់ទីផ្សារគោលមានចំនួន ៧០.៤៥ពាន់លានរៀល ហើយតម្លៃរបស់ទីផ្សារកំណើនមានចំនួន ៨៦,៧១លានរៀល៕