Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

លេងល្បែង​ឈ្នះ​កន្លះ​លាន​ដុល្លារ យុវជន​អាមេរិក​ម្នាក់​ទាត់​សង្សារ​ចោល​ តែលទ្ធផលនាងប្តឹងទាមទារឡើងកប់ហ្មង!!

spot_img

Jasmine ថត​ជាមួយ​មិត្ត​ប្រុស ពីមុខ​លុយ​ដែល​ឈ្នះ​

Jasmine Zheng អាយុ ២១​ឆ្នាំ កំពុង​បំពេញ​បែបបទ​ចាំបាច់ ដើម្បី​ប្តឹង​សង្សារ​របស់​ខ្លួន​ក្រោយពី​យុវជន​នេះ លេងល្បែង​ហើយ​ឈ្នះ​បាន ៥០០.០០០​ដុល្លារ ។ សង្សារ​របស់​នាង​ឈ្មោះ Zhiwei Zheng ត្រូវបាន​ចោទប្រកាន់​ថា បន្ទាប់​ពី​ឈ្នះល្បែង​បាន​លុយ​មួយចំនួន​ធំ​នា​សណ្ឋាគារ​មួយ នៅ​ទីក្រុង Atlantic ក៏​បោះបង់​សង្សារ​ខ្លួន​ចោល ។ Jasmine ឲ្យដឹងថា សង្សារ​របស់​នាង​គឺជា​មនុស្ស​ង​ប់ង​ល់នឹង​ល្បែង ហើយ​តែង​ចាញ់​ជាប្រចាំ ។​

​ប៉ុន្តែ​នា​យប់​មួយ​ទៅ​កាន់ Atlantic ដើម្បី​លេងល្បែង យុវជន​រូបនេះ​បាន​ឈ្នះ​លុយ​កន្លះ​លាន​ដុល្លារ ។ Jasmine និយាយថា ដំបូង​ខ្ញុំ​គ្រាន់​តែ​អង្គុយ​មើល ប៉ុន្តែ​ក្រោយមក​ខ្ញុំ​ក៏​រួម​លេង​ជាមួយ​គាត់ ។ នាង​បន្ត​ថា ពេល​ទៅ​កាន់ Atlantic លេងល្បែង​ពួកគេ​បាន​ព្រមព្រៀង​គ្នា​ជាមុន​ថា​នឹង​យក​លុយ​ទាំងអស់​លេង​តែ​មួយក្តា​ប៉ុណ្នោះ ហើយ​ប្រសិនបើ​ឈ្នះ​នោះ​នឹង​ចែក​ជា​ពីរ​ស្មើគ្នា​។​

​ក្រោយពេល​ឈ្នះ​បាន​ចំនួន​លុយ​ខាងលើ​គូសង្សារ​មាន​ដើមកំណើត​ចិន​ពីររូប​នេះ បាន​ស្ពាយ​លុយ​មួយ​បា​ឡូ​វិល​ត្រឡប់​ទៅផ្ទះ​វិញ ។ Zhewei បាន​ទិញ​នាឡិកា​តម្លៃ ៣៨.០០០​ដុល្លារ ពាក់​បង្អួត​តាម​ហ្វេ​ស​បុក ។​

​ចំនួន​លុយ​ដ៏​ច្រើន​ដែល​អ្នក​ទាំង​ពីរ​ទទួល​បាន ។​

​ប៉ុន្តែ Zhiwei ពុំ​បាន​ឲ្យ​លុយ​ចំណែក​របស់​មិត្តស្រី​ទេ ហើយ Jasmine ព្រោះ​តែ​ជឿ​មិត្ត​ប្រុស​របស់ខ្លួន​ក៏​ពុំ​ទារ​លុយ​ដែរ ប៉ុន្តែ​អ្វីៗ​តែង​ប្រែប្រួល ។ សង្សារ​របស់​នាង​ចាប់ផ្តើម​ប្រកៀក​ដៃ​គ្នា​ជាមួយ​នារី​ផ្សេងទៀត ។ ហើយ​នាង​ទ្រាំ​លែង​បាន​ក៏​សុំ​បែកផ្លូវ​គ្នា ។ បើ​តាម​នាង​នោះ​គឺ​ចំនួន​លុយ​យ៉ាងច្រើន​បាន​ធ្វើឲ្យ Zhiwei ប្រែប្រួល​រួច​បញ្ចប់​ចំណង​ស្នេហ៍​របស់​ពួកគេ​ភ្លាមៗ​តែម្តង ។​

​ឥឡូវនេះ Jasmine ឲ្យដឹងថា ក្រៅពី​ទាមទារ​លុយ​ចំណែក​ឈ្នះល្បែង ហើយ​នាង​នៅ​ទាមទារ​ឲ្យ​សង្សា​រក្បត់ចិត្ត​ម្នាក់នេះ​សង “​ការប៉ះទង្គិច​ស្មារតី​យ៉ាងធ្ងន់ធ្ងរ​” ដែល​មាន​ចំនួន​ទឹកប្រាក់ ៥០០.០០០​ដុល្លារ ៕ ចន្ទ្រា​

spot_img
×