ភ្នំពេញ៖ សមត្ថកិច្ចបានចាប់ខ្លួនលោកឧកញ៉ា នង សាវុធ ប្រធានក្រុមហ៊ុន សុវណ្ណ វឌ្ឍនៈ ពីបទឆបោកប្រាក់ជិត៨០ម៉ឺនដុល្លារ ហើយបញ្ជូនខ្លួនមកតុលាការក្រុងភ្នំពេញ ដើម្បីសាកសួរ ។
ឧកញ៉ា នង សាវុធ ប្រធានក្រុមហ៊ុន សុវណ្ណ វឌ្ឍនៈ នៅព្រឹកថ្ងៃទី២៦ ខែមេសា ឆ្នាំ២០១៨ នេះ កំពុងស្ថិតក្រោមការសាកសួររបស់លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ។
ការចាប់ខ្លួនឧកញ៉ា នង សាវុធ ហើយនាំខ្លួនមកកាន់តុលាការនេះ ធ្វើឡើងតាមពាក្យបណ្តឹងរបស់ឧកញ៉ា តាំង ផេងប៉ោ ប្រធានក្រុមហ៊ុនកញ្ចក់ និងថ្នាំលាបគ្រប់ប្រភេទ ពាក់ព័ន្ធបទល្មើសឆបោកប្រាក់ជិត៨០ម៉ឺនដុល្លារអាមេរិក៕ ដោយ៖បញ្ញាស័ក្តិ
