ខេត្តកំពង់ស្ពឺ ៖ កម្លាំងសមត្ថកិច្ចនគរបាលស្រុកឱរ៉ាល់ កាលពីថ្ងៃទី ១២ ខែមករា ឆ្នាំ ២០២២ នេះ បានចាប់ និង បញ្ជូនខ្លួន យុវជនសង្ស័យម្នាក់ ទៅកាន់ស្ថាប័នអយ្យការអមសាលាដំបូងខេត្តកំពង់ស្ពឺ ដើម្បីចាត់ការតាមច្បាប់ ជាប់ពាក់ព័ន្ធនឹង ករណីឃាត.កម្ម ដោយកា.ប់ទៅលើឪពុកចុង របស់ខ្លួនបណ្តាលឲ្យស្លា.ប់ យ៉ាងអាណោចអាធ័មបំផុត នៅហ្នឹងកន្លែងកើតហេតុ ប្រព្រឹត្ត នៅភូមិស្រែកិន ឃុំត្រពាំជោរ ស្រុកឱរ៉ាល់ ខេត្តកំពង់ស្ពឺ ។
អំពីឃាតកម្មខាងលើ បានកើតឡើង កាលពីថ្ងៃទី១០ ខែមករា ឆ្នាំ២០២២ នៅភូមិស្រែកិន ឃុំត្រពាំជោរ ស្រុកឱរ៉ាល់ ខេត្តកំពង់ស្ពឺ ។
សមត្ថកិច្ចនគរបាលស្រុក បានឲ្យដឹងថា ជនសង្ស័យខាងលើមាន ឈ្មោះ ផ្លេង កម្សត់ ភេទប្រុស អាយុ១៨ឆ្នាំ មុខរបរ កសិករ (ត្រូវជាកូនចុង) ។ ចំណែកឯជនរងគ្រោះ ឈ្មោះ ស្រីវ៉ាត ហៅ ឆូវ អាយុ៤៤ឆ្នាំ មុខរបរ កសិករ (ត្រូវជាឪពុកចុង) ។
អ្នកទាំង២នាក់ មានទីលំនៅ នៅភូមិស្រែកិន ឃុំត្រពាំជោរ ស្រុកឱរ៉ាល់ ខេត្តកំពង់ស្ពឺ ។
ជនសង្ស័យត្រូវបានជាប់ចោទពីបទ ឃាត.កម្ម និង ឥឡូវនេះ ត្រូវបានបញ្ជូន ទៅកាន់សាលាដំបូងខេត្តកំពង់ស្ពឺ ដើម្បីចាត់ការ តាមនីតិវិធីច្បាប់ ៕ រក្សាសិទ្ធិដោយ ៖ ចន្ទា ភា
