ខេត្តកែប៖ ឯកឧត្តម ព្រំ សុភមង្គល បានដឹកនាំក្រុមការងារអាជ្ញាធរមីន និងមានការចូលរួមពីក្រុមការងារអង្គការ NPA (Norwegian People’s Aid) នៅថ្ងៃទី ១៤ ខែមករា ឆ្នាំ២០២២ បានចុះពិនិត្យមើលការបោសសម្អាតមីនរបស់ប្រតិបត្តិករ CMAC ដែលកំពុងប្រតិបត្តិការក្នុងភូមិចំការបី ឃុំពងទឹក ស្រុកដំណាក់ចង្អើរ ខេត្តកែប។ តាមផែនការ ចម្ការមីនចំនួន ០៨ នឹងត្រូវបញ្ចប់ការបោសសម្អាតទាំងអស់ នៅពាក់កណ្តាលខែកុម្ភៈ ឆ្នាំ២០២២។
ក្រៅពីការចូលរួមរបស់ម្ចាស់ជំនួយមុនៗ អង្គការ NPA ជាម្ចាស់ជំនួយចុងក្រោយ ដែលបានរួមចំណែកគាំទ្រ គម្រោងបញ្ចប់ការបោសសម្អាតចម្ការមីន ដែលនៅសេសសល់ទាំងអស់ ក្នុងខេត្តកែប ដើម្បីឈានទៅប្រកាស ខេត្តកែប ជាខេត្តអស់មីនមុនគេ ក្នុងប្រទេសកម្ពុជា៕ រក្សាសិទ្ធិដោយ ៖ សុទ្ធ លី
