ខេត្តព្រះវិហា៖ ក្រុមជួញដូរគ្រឿងញៀនចំនួន៤នាក់ ដែលមានទាំងកាំភ្លើងខ្លី១ដើមផងនោ ត្រូវបានសមត្ថកិច្ចខេត្តព្រះវិហារឆ្មក់ចាប់បាននៅព្រឹកថ្ងៃទី៣១តុលា ២០១៧ វេលាម៉ោង ៦:៤០នាទីព្រឹក នៅភូមិក្រាំងដូង ឃុំព្រះឃ្លាំង ស្រុកត្បែងមានជ័យ ។
កំលាំងប៉ុស្តិ៍នគរបាលឃុំ ព្រះឃ្លាំង បានសហការណ៍ជាមួយការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តព្រះវិហារ ផ្នែកប្រឆាំងបទល្មើសនៃអធិការដ្ឋាន នគរបាលស្រុកត្បែងមានជ័យ បានចុះឆេកឆេរផ្ទះឈ្មោះ ចាន់ ពិសិដ្ឋ ភេទប្រុស អាយុ៣០ឆ្នាំ រស់នៅភូមិក្រាំងដូង ឃុំព្រះឃ្លាំង ស្រុកត្បែងមានជ័យ ក្នុងនោះបង្រា្កបបាន មនុស្ស៤នាក់ និងដកហូតបាន ម្សៅក្រាមថ្លាពណ៌ស ចំនួន ១៧កញ្ចប់ តូច១៦កញ្ចប់ ធំ១កញ្ចប់ប្រដាប់ជក់ស៊ីសា១ ជញ្ជីងថ្លឹងគ្រឿងញៀន១ អាវុធខ្លីប្រភេទk៥៤ ចំនួន១ដើម គ្រាប់១បង់ និង១០គ្រាប់ ស្មើនឹង១៨គ្រាប់ អាវុធកែច្នៃ៣ដើម កាប៊ីនវែង១ដើម ខ្លី១ដើម និងកាំភ្លើងខ្យល់១ដើម គ្រាប់១ប្រអប់ កិបរំសេវ ១កំប៉ុង ទូរស័ព្ទ១៧គ្រឿង ម៉ូតូ ៤គ្រឿង រណារយន្ត៣គ្រឿង នាឡិកាដៃ ១គ្រឿង និងសម្ភារៈវេចខ្ចប់មួយចំនួន៕ ដោយ៖ជាលី
