PWSA ដែលជាភាគហ៊ុនតែមួយគត់ដែលមានកំណើននៅលើទីផ្សារគោលវេលាថ្ងៃសុក្រម្សិលមិញនេះ បានកើនឡើង ៨០រៀល មកបិទនៅថ្លៃ ៧.១៨០រៀល។
យ៉ាងណាមិញ GTI, PPAP, PPSP, PAS និង PEPC បានធ្លាក់ចុះចន្លោះពី ១០ទៅ ៤០រៀលក្នុងមួយហ៊ុន មកបិទត្រឹម ៤.២៤០រៀល ១៤.៩៤០រៀល ២.០៨០រៀល ១៣.២៨០រៀល និង ៣.០៦០រៀល។
ទោះបីជាភាគហ៊ុនខាងលើនេះ បានធ្លាក់ចុះថ្លៃក៏ដោយ ក៏សន្ទស្សន៍ផ្សារមូលបត្រកម្ពុជា បានងើបឡើងវិញ ០.០៣% មកបិទនៅ ៤៦៩,៨១ពិន្ទុ។
លើសពីនេះ តម្លៃជួញដូរសរុបរបស់ PWSAគ្របដណ្តប់ជាង ៥២% នៃតម្លៃជួញដូរសរុបរបស់ទីផ្សារគោល។ នៅលើទីផ្សារកំណើនវិញ ភាគហ៊ុន DBDE ក៏បានបង្ហាញការកើនឡើងបន្តិចផងដែរ ចំនួន ១០រៀល ដល់ថ្លៃ ២.៣១០រៀលក្នុងមួយហ៊ុន ជាមួយនឹងតម្លៃជួញដូរ ១៤.៤១លានរៀល៕
